بۇل دەرەك بويىنشا ەكٸمدٸك ەكولوگتارمەن بٸرلەسٸپ جۇمىس توبىن قۇرىپ, اۋماقتى زەرتتەۋ جۇمىستارى جٷرگٸزٸلدٸ.
تولىق تەكسەرۋ بارىسىندا ٶلگەن يتبالىقتاردىڭ جالپى سانى ەسەپتەلدٸ - 64, سونداي-اق بەس بەكٸرە بالىعى تابىلدى.
"جاعاعا يتبالىقتار مەن بالىقتاردىڭ ٶلەكسەلەرٸ شىعۋى بٸر كٷن بۇرىن سوققان وڭتٷستٸك-باتىس جەلٸنٸڭ سالدارىنان بولدى. ولار قاتتى ىدىراپ, شٸرٸپ جاتىر. زەرتحانالىق زەرتتەۋ جاساۋ ٷشٸن ٶلگەن جانۋارلاردان سىنامالار الىنىپ, توڭازىتقىش كامەراسىنا قويىلدى. سونداي-اق, سۋ مەن اۋا سىناماسى دا الىندى", - دەدٸ ماڭعىستاۋ وبلىستىق بالىق ينسپەكتسيياسى باسقارماسىنىڭ ٶكٸلدەرٸ.
26 سەۋٸردەن بەرٸ كاسپيي جاعالاۋىندا ٶلٸ يتبالىقتار تابىلىپ جاتىر.
مامىردىڭ باسىندا ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ قازٸردٸڭ ٶزٸندە جاعادان 100-گە جۋىق جانۋاردىڭ ٶلەكسەسٸ تابىلعانىن ايتقان.
"يتبالىقتاردىڭ ٶلٸمٸنە بايلانىستى ماماندار وقيعا 3-4 اي بۇرىن بولۋى مٷمكٸن دەيدٸ. بۇل - قىس مەزگٸلٸ, ەلٸ مۇز ەرٸمەگەن كەز. سوندىقتان ٶلەكسە ساقتالعان. ولار مۇزدا بولدى. مۇز ەرٸگەننەن كەيٸن, مايدىڭ ەسەرٸنەن قالقىپ, جەل جاعاعا شىعارعان", - دەگەن ەدٸ ول.
سونداي-اق, ول جانۋارلاردىڭ قىرىلۋى مەن NCOC كومپانيياسىنىڭ سولتٷستٸك كاسپييدەگٸ جۇمىستارى اراسىنداعى بايلانىستى جوققا شىعارعان.
