Mańǵystaýda indetke shaldyqqandar sany kóbeise karantin talaptary kúsheitiledi. Bul týraly qoǵamdyq kommýnikatsiia ortalyǵynda ótken brifingte Mańǵystaý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Ǵaziz Nadýev málim etti, dep habarlaidy "Ult aqparat".
Oblystyń bas sanitar dárigeriniń habarlaýynsha, óńirde 2020 jyldyń 27 naýryzy men 12 qazan aralyǵynda (shaǵymy, shaǵymsyz) 3362 COVID-19 jaǵdaiy tirkelgen. Onyń ishinde 1147 shaǵymy bar, 2215 shaǵymsyz naýqas anyqtalyp otyr.
Búgingi tańda koronavirýs infektsiiasynan qaitys bolǵandar - 72 naýqas, emdelip shyqqandar - 3267 (97,1%). Oblysta barlyǵy koronavirýstyń shaǵymy bar túrin juqtyrǵan 1147 naýqas tirkeldi, onyń ishinde Aqtaý qalasy - 470, Jańaózen - 157, Túpqaraǵan - 38, Qarakiia - 75, Mańǵystaý - 41, Munaily - 168, Beineý - 198 boldy.
«Koronavirýs infektsiiasymen aýyrǵandardyń ishinen syrttan ákelgender - 6 jaǵdai, jergilikti - 870 jaǵdai (ózderi qaralǵandar - 647, skrining - 223), qarym-qatynasta bolǵandar - 271 jaǵdai. Infektsiia juqtyrǵandardyń ishinde meditsina qyzmetkerleri-74, múgedekter-9, jumyssyzdar-285, oqýshylar-43, zeinetkerler-261, áskeri bólimderden-18, kenoryndaǵy tamaqtandyrý «Kaspian Fýd» mekemesinen-9, áskerge shaqyrylǵandardan-4, «TeńizshevrOil» qyzmetkerleri-35, óndiristik mekemede-130, memlekettik qyzmetkerler-24, stýdentter- 21, taǵy basqalar-167, bala-baqsha qyzmetkerlerimen muǵalimder-23, ishki ister qyzmetkerleri-10», -dedi Ǵaziz Nadýev.
Oblysta 2020 jyldyń 13 qazanyna PTR tásilimen memlekettik jáne jeke menshik zerthanalarda barlyǵy 120 756 adam tekserilip, onyń 3362 oń nátije berdi. Ulttyq saraptama ortalyǵynda búgingi tańda 15 myńnan astam test synamasy bar. Epidemiologiialyq tekserý qorytyndysymen qarym-qatynastaǵy adamdardyń anyqtalǵan sany-7353, onyń ishinde jaqyn qarym qatynasta 5355 (72,8%), yqtimal qarym qatynasta-1998 (27,2%). Zerthanalyq jolmen 6223 adam tekserilip, onyń 271 (4,4%) oń nátije bergen.
