Mańǵystaý oblysynyń Túpqaraǵan aýdanynda ornalasqan «Kógildir shyǵanaq» aýmaǵynda eki jas jigit Kaspii teńizine batyp kóz jumdy, dep habarlaidy ult.kz.
Jergilikti málimetke sáikes, qaiǵyly oqiǵa 26 maýsym kúni keshki saǵat 20:40 shamasynda bolǵan. Atalǵan demalys orny Aqtaý qalasynan shamamen 64 shaqyrym qashyqtyqta ornalasqan.
Oblystyq politsiianyń habarlaýynsha, qutqarýshylar teńizden 2001 jyly týǵan eki azamattyń máiitin alyp shyqqan. Aldyn ala málimet boiynsha, olar sýǵa túsýge tyiym salynǵan jerde shomylyp, sýǵa ketken.
Oqiǵaǵa bailanysty tiisti tekserý jumystary júrgizilip jatyr.
Mańǵystaý oblystyq tótenshe jaǵdailar departamenti turǵyndar men demalýshylardy sýdaǵy qaýipsizdik talaptaryn qatań saqtaýǵa shaqyrdy. Mamandar tek arnaiy jabdyqtalǵan jáne ruqsat etilgen jaǵajailarda ǵana sýǵa túsýdi, sondai-aq teńizde tolqyn kúsheigen kezde sýǵa kirmeýdi eskertti.
