Sýret ashyq derekkózden alyndy
Mańǵystaý oblysynda dezinsektsiiadan keiin eki adamnyń ólimine sebepker bolǵan er adam sottaldy, - dep habarlaidy Tengrinews.kz agenttigi oblystyq prokýratýranyń baspasóz qyzmetine silteme jasap.
Prokýratýra málimetinshe, er adam tanysyna páterin jándikterden zalalsyzdandyrý qyzmetin usynyp, bólmeni Qazaqstanda qoldanýǵa tyiym salynǵan birinshi sanatty "Kvikfos" ýymen óńdegen.
"Nátijesinde aýaǵa tússiz ýly aliýminii fosfidi gazy taralyp, sonyń saldarynan kórshi páterdiń turǵyndary jasóspirim qyz ben onyń anasy ýlanyp, qaitys boldy. Osylaisha bir adamnyń abaisyzdyǵynan ekinshi adam áieli men qyzynan aiyryldy", - delingen habarlamada.
Er adam QR QK-nyń 304-baby 3-bóligi boiynsha eki adamnyń ólimine ákep soqqan sanitarlyq erejeler men gigienalyq normativterdi buzǵany úshin bes jylǵa bas bostandyǵynan aiyrylǵan.
