Biylǵy jyly QR Bilim jáne ǵylym ministrligi men Dúniejúzilik bank birlesken «Zhas Project» jobasyn iske asyrý josparlanǵan bolatyn. Jobanyń basty maqsaty - áleýeti tómen jastardy qoldaý, olardy básege qabiletti bolýǵa úiretý, óz jobalaryn ashýǵa múmkindik berý.
Áleýmettik jobaǵa 14-29 jas aralyǵyndaǵy áleýmettik az qamtylǵan otbasy jastary, jumyssyz jastar, arnaiy bilim almaǵan, tabysy tómen jastar qatysty.
«Zhas Project» jobasy respýblikada 2017 jyldan beri júzege asýda. Biyl Batys Qazaqstan, Atyraý, Mańǵystaý, Aqmola oblystary men Astana, Almaty qalalarynda júzege asyrylyp otyr.
Aǵymdaǵy jyly joba úshin respýblika boiynsha 1 100 grant bólinip, áleýmettik startap jobasyn júzege asyrýǵa (ár joba úshin) 1 mln. teńge kóleminde qaitarymsyz qarjy qaraldy.
Jobaǵa keń kólemde oblys jastaryn tartý jóninde óńir basshysy Toǵjanov Eraly Luqpanuly men osy salaǵa jetekshilik etetin oblys ákiminiń orynbasary Rýslan Kenesaryulynyń tikelei qadaǵalaýymen 30-ǵa jýyq kezdesý ótip, oǵan 2 myńnan asa jas qatystyryldy. Nátijesinde. 15 naýryzdan 15 sáýir aralyǵyna deiin zhasproject.kz saitynda 1264 ótinish qabyldandy. Qabyldanǵan jobalar úsh kezeńdik irikteýden ótti. Birinshi, tehnikalyq irikteýde qujattar tekserilip, 758 joba ekinshi týrǵa jiberilgen bolatyn. Ekinshi týrda komissiialyq baǵalaýdan 704 joba ótip, kompiýterlik irikteý úshinshi kezeńine ótti. Sońǵy kezeńde Mańǵystaý oblysy 321 grant utyp, respýblika boiynsha eń kóp grant utqan óńir retinde tirkeldi.
Máselen Aqtaý qalasy – 31, Jańaózen qalasy – 87, Mańǵystaý aýdany – 52, Beineý aýdany - 42, Munaily aýdany – 47, Túpqaraǵan aýdany – 25, Qaraqiia aýdany – 37 áleýmettik grantyn jeńip aldy.
Osylaisha, mańǵystaýlyq jastardyń áleýmettik jobalaryn qarjylandyrýǵa 321 mln teńge kóleminde qaitarymsyz investitsiia berilip otyr.
