«Aqtaý - kedendik resimdeý ortalyǵy» keden beketinde taýarlardy jalǵan deklaratsiialaý deregi anyqtaldy, dep habarlaidy QazAqparat.
Mańǵystaý oblysy boiynsha memlekettik kirister departamentiniń habarlaýynsha, «Aqtaý - kedendik resimdeý ortalyǵy» keden beketinde jeke kásipker M. Iran Islamdyq Respýblikasynan importtalǵan «Trikotaj mata» ataýy bar taýarlarǵa bergen deklaratsiiasyna baqylaý júrgizý kezinde jalǵan deklaratsiialaý deregi belgili bolǵan.
«Máselen, kedendik ákelý baj salyǵy 5% bolatyn «Trikotaj mata» taýar kodynyń ornyna naqty kedendik baj salyǵy 1 kg úshin 0,61 eýrony quraityn «Jabyndy» taýarynyń kodymen ótkizilgen. Kontrabandalyq taýarlardyń kedendik quny 66,4 mln teńgeni, keltirilgen shyǵyn kólemi 20,9 mln teńgeni qurady», - dep málimdedi vedomstvodan.
Atalǵan oqiǵanyń materialdary Mańǵystaý oblysy boiynsha Ekonomikalyq tergeý departamentine protsessýaldyq sheshim qabyldaý úshin joldandy.
