Mańǵystaý oblysynda quny 500 mln teńgeden asatyn 3 myń tonnadan astam munai zańsyz óndirilgen, - dep habarlaidy Qarjy monitoringi komitetiniń baspasóz qyzmeti.
Komitettiń Mańǵystaý oblysy boiynsha Ekonomikalyq tergeý departamenti qyzmetkerleri munaidyń jáne munai ónimderiniń shyǵarylý zańdylyǵyn rastaityn qujatsyz olardy tasymaldaý, iemdený, ótkizý, saqtaý, sondai-aq munaidy qaita óńdeýge qatysty qylmystyq isti tergeýdi aiaqtady.
«Tergeý barysynda «SK Petroleum» JShS-nyń 2019 jylǵy tamyzdan bastap «Soltústik Qaramandybas» munai ken ornynan Jańaózen qalasyndaǵy munai quiatyn bazalarǵa jalpy kólemi 3441,408 tonna shiki munai tiegeni anyqtaldy. Zańsyz óndirilgen 3367,056 metrikalyq tonna kólemindegi shiki munaidyń ortasha naryqtaǵy quny sarapshylardyń saraptama qorytyndysy boiynsha 581 724 571 teńge turady», delingen habarlamada.
Atalmysh munaiǵa sottyń sanqtsiiasy boiynsha tyiym salyndy.
«Sotqa deiingi tergeý aiasynda «SK Petroleum» JShS direktorynyń kinási tolyqtai dáleldendi. Aiyptalýshy tulǵalardyń áreketi Qylmystyq kodekstiń 197-baby 4-bólimi 2 tarmaǵy jáne 214-baptyń 2-bólimi 2 tarmaǵyna sáikes keledi. 20 sáýirde qylmystyq is aiyptaý aktisimen birge sottyń qaraýyna jiberildi», delingen habarlamada.
