Mańǵystaý ýyldyryq ústinde otyr degen oidan aýlaq bolý kerek. Bul jóninde Qazaqstannyń ortalyq kommýnikatsiialar qyzmetinde ótken brifing barysynda Mańǵystaý oblysynyń ákimi Eraly Toǵjanov málimdedi, dep habarlaidy Baq.kz tilshisi.
«Óńirde balyq aýlaýǵa qazir tyiym salynǵan. Sebebi, ózderińiz biletindei, qazir ýyldyryq shashatyn mezgil. Ýyldyryqty qai jaqta shashatynyn bilesizder. Negizinen, teńizden shyqqan balyǵymyz Jaiyqqa qarai kóteriledi. Sondyqtan, balyqtar, negizinen Atyraý jaqta. Bizdiń oblys boiynsha Shevchenko porty sekildi bir-eki úlken jer bar. Balyqtar sol aimaqta kóptep jinalady. Balyq teńizdiń búkil jerinde júre bermeidi. Sondyqtan, ol ońai dúnie emes. Oǵan bailanysty naqty tapsyrmalar berilip, sharalar júrgizilip jatyr.
Mańǵystaýda balyq aýlaýdyń ózi de ońai emes. Myna josparly balyq aýlaý degen bar emes pe, sonyń ózin Mańǵystaý oblysy oryndai almai otyr. Nege deseńizder, teńizdegi balyqty aýlaý qiyn. Oǵan jumsalatyn qarjy kólemi aýlanǵan balyq qarajatymen para-par. Sondyqtan, qazir kóp adam teńizge shyǵyp, balyq aýlaǵysy kep otyrǵan joq. Qazir, atalǵan salada 26 uiym bar. Solardyń barlyǵynyń basyn qosyp, belgili bir sharalardy oilastyryp otyrmyz. Sol sebepti, Mańǵystaý ýyldyryq ústinde otyr degen oidan aýlaq bolý kerek. Ondai jaǵdai bizde joq», - dedi oblys ákimi.
