ماڭعىستاۋ ۋىلدىرىق ٷستٸندە وتىر دەگەن ويدان اۋلاق بولۋ كەرەك. بۇل جٶنٸندە قازاقستاننىڭ ورتالىق كوممۋنيكاتسييالار قىزمەتٸندە ٶتكەن بريفينگ بارىسىندا ماڭعىستاۋ وبلىسىنىڭ ەكٸمٸ ەرالى توعجانوۆ مەلٸمدەدٸ, دەپ حابارلايدى Baq.kz تٸلشٸسٸ.
«ٶڭٸردە بالىق اۋلاۋعا قازٸر تىيىم سالىنعان. سەبەبٸ, ٶزدەرٸڭٸز بٸلەتٸندەي, قازٸر ۋىلدىرىق شاشاتىن مەزگٸل. ۋىلدىرىقتى قاي جاقتا شاشاتىنىن بٸلەسٸزدەر. نەگٸزٸنەن, تەڭٸزدەن شىققان بالىعىمىز جايىققا قاراي كٶتەرٸلەدٸ. سوندىقتان, بالىقتار, نەگٸزٸنەن اتىراۋ جاقتا. بٸزدٸڭ وبلىس بويىنشا شەۆچەنكو پورتى سەكٸلدٸ بٸر-ەكٸ ٷلكەن جەر بار. بالىقتار سول ايماقتا كٶپتەپ جينالادى. بالىق تەڭٸزدٸڭ بٷكٸل جەرٸندە جٷرە بەرمەيدٸ. سوندىقتان, ول وڭاي دٷنيە ەمەس. وعان بايلانىستى ناقتى تاپسىرمالار بەرٸلٸپ, شارالار جٷرگٸزٸلٸپ جاتىر.
ماڭعىستاۋدا بالىق اۋلاۋدىڭ ٶزٸ دە وڭاي ەمەس. مىنا جوسپارلى بالىق اۋلاۋ دەگەن بار ەمەس پە, سونىڭ ٶزٸن ماڭعىستاۋ وبلىسى ورىنداي الماي وتىر. نەگە دەسەڭٸزدەر, تەڭٸزدەگٸ بالىقتى اۋلاۋ قيىن. وعان جۇمسالاتىن قارجى كٶلەمٸ اۋلانعان بالىق قاراجاتىمەن پارا-پار. سوندىقتان, قازٸر كٶپ ادام تەڭٸزگە شىعىپ, بالىق اۋلاعىسى كەپ وتىرعان جوق. قازٸر, اتالعان سالادا 26 ۇيىم بار. سولاردىڭ بارلىعىنىڭ باسىن قوسىپ, بەلگٸلٸ بٸر شارالاردى ويلاستىرىپ وتىرمىز. سول سەبەپتٸ, ماڭعىستاۋ ۋىلدىرىق ٷستٸندە وتىر دەگەن ويدان اۋلاق بولۋ كەرەك. ونداي جاعداي بٸزدە جوق», - دەدٸ وبلىس ەكٸمٸ.
