Áleýmettik jelilerde Mańǵystaý oblysy turǵynynyń vaktsinadan keiin qaitys bolǵany týraly aqparat taraǵan edi.
QR DSM Sanitariialyq-epidemiologiialyq baqylaý komitetiniń resmi ókili Erjan Baitanaev bul aqparattyń jalǵan ekenin aitty, dep habarlaidy "Ult aqparat".
«Mańǵystaý oblysy Munaily aýdany Batyr aýylynyń turǵyny vaktsina saldyrǵannan keiin qaitys boldy degen aqparat jalǵan. Facebook áleýmettik jelisinde jariialanǵan 1978 jyly týǵan er adam osy jyldyń 19 qańtarynda qan qysymynyń kóterilýine bailanysty qaitys bolǵan. Ol eshqandai vaktsina saldyrmaǵan. Búgingi kúni Mańǵystaý oblysyna koronavirýs infektsiiasyna qarsy vaktsina jetkizilmegen. Vaktsinanyń birinshi partiiasyn aimaqqa jetkizý 2021 jyldyń 28-29 qańtaryna josparlanǵan. Birinshi kezekte juqpaly aýrýlar aýrýhanalarynyń, jedel meditsinalyq járdemniń, reanimatsiianyń, MSAK-tyń, qabyldaý bólmeleriniń, sanepidqyzmet mamandarynyń meditsina qyzmetkerleri vaktsinamen qamtylatynyn atap ótemiz. Qaitys bolǵan azamat osy sanattardyń eshqaisysyna jatpaidy», - dep habarlady komitetten.
Komitet QR Qylmystyq kodeksiniń 274-babyna sáikes kórineý jalǵan aqparat taratý 1000 AEK-ke deiingi mólsherde aiyppul salýǵa ne 1 jylǵa deiingi merzimge shekteýge nemese odan aiyrýǵa jazalanatynyn eske salady.
