Serikbai Trumov Mańǵystaý oblysynyń ákimi bolyp taǵaiyndaldy, dep habarlady Aqordanyń baspasóz qyzmeti.
"Serikbai Ótelgenuly Trumov Mańǵystaý oblysynyń ákimi bolyp taǵaiyndalsyn", - dep jazylǵan Memleket basshysynyń Jarlyǵynda.
Trumov buǵan deiin Mańǵystaý oblystyq máslihatynyń hatshysy qyzmetin atqardy. Ol óńirdi 2017 jyldyń naýryzynan beri basqarǵan Eraly Toǵjanovtyń ornyna keldi.
Serikbai Trumov týraly ne bilemiz?
1964 jyldyń 3 maýsymynda Mańǵystaý oblysy Fort-Shevchenko qalasynda dúniege kelgen. 1992 jyly injener-qurylysshy mamandyǵy boiynsha V.I.Lenin atyndaǵy Qazaq politehnikalyq institýtyn támamdaǵan.
1983-1985 jyldary keńes armiiasy qatarynda áskeri mindetin ótedi. 1985-1990 jyldary "Mangyshlakselstroi-12" trestinde betonshik, júrgizýshi, qurylys mehanizatsiiasy men kólik basqarmasynyń júrgizýshisi qyzmetterin atqardy. Odan keiin Qazaqstan LKJO Fort-Shevchenko qalalyq komitetiniń birinshi hatshysy, "Túpqaraǵan" JShS jetekshi direktory, aýdan ákimi, Mańǵystaý oblysy ákiminiń orynbasary boldy. Al 2012 jyly Jańaózen qalasynyń ákimi bolyp taǵaiyndaldy. 2015 jyldyń shildesinen bastap Aqtaý qalasynyń ákimi boldy. Eki jyldan keiin Mańǵystaý oblystyq máslihatynyń hatshysy qyzmetine taǵaiyndaldy.
"Eren eńbegi úshin" memlekettik nagradasymen, sondai-aq, birneshe medalmen marapattalǵan. Úilengen, bes balasy men bes nemeresi bar.
