سەرٸكباي ترۇموۆ ماڭعىستاۋ وبلىسىنىڭ ەكٸمٸ بولىپ تاعايىندالدى, دەپ حابارلادى اقوردانىڭ باسپاسٶز قىزمەتٸ.
"سەرٸكباي ٶتەلگەنۇلى ترۇموۆ ماڭعىستاۋ وبلىسىنىڭ ەكٸمٸ بولىپ تاعايىندالسىن", - دەپ جازىلعان مەملەكەت باسشىسىنىڭ جارلىعىندا.
ترۇموۆ بۇعان دەيٸن ماڭعىستاۋ وبلىستىق مەسليحاتىنىڭ حاتشىسى قىزمەتٸن اتقاردى. ول ٶڭٸردٸ 2017 جىلدىڭ ناۋرىزىنان بەرٸ باسقارعان ەرالى توعجانوۆتىڭ ورنىنا كەلدٸ.
سەرٸكباي ترۇموۆ تۋرالى نە بٸلەمٸز?
1964 جىلدىڭ 3 ماۋسىمىندا ماڭعىستاۋ وبلىسى فورت-شەۆچەنكو قالاسىندا دٷنيەگە كەلگەن. 1992 جىلى ينجەنەر-قۇرىلىسشى ماماندىعى بويىنشا ۆ.ي.لەنين اتىنداعى قازاق پوليتەحنيكالىق ينستيتۋتىن تەمامداعان.
1983-1985 جىلدارى كەڭەس ارميياسى قاتارىندا ەسكەري مٸندەتٸن ٶتەدٸ. 1985-1990 جىلدارى "مانگىشلاكسەلستروي-12" ترەستٸندە بەتونششيك, جٷرگٸزۋشٸ, قۇرىلىس مەحانيزاتسيياسى مەن كٶلٸك باسقارماسىنىڭ جٷرگٸزۋشٸسٸ قىزمەتتەرٸن اتقاردى. ودان كەيٸن قازاقستان لكجو فورت-شەۆچەنكو قالالىق كوميتەتٸنٸڭ بٸرٸنشٸ حاتشىسى, "تٷپقاراعان" جشس جەتەكشٸ ديرەكتورى, اۋدان ەكٸمٸ, ماڭعىستاۋ وبلىسى ەكٸمٸنٸڭ ورىنباسارى بولدى. ال 2012 جىلى جاڭاٶزەن قالاسىنىڭ ەكٸمٸ بولىپ تاعايىندالدى. 2015 جىلدىڭ شٸلدەسٸنەن باستاپ اقتاۋ قالاسىنىڭ ەكٸمٸ بولدى. ەكٸ جىلدان كەيٸن ماڭعىستاۋ وبلىستىق مەسليحاتىنىڭ حاتشىسى قىزمەتٸنە تاعايىندالدى.
"ەرەن ەڭبەگٸ ٷشٸن" مەملەكەتتٸك ناگراداسىمەن, سونداي-اق, بٸرنەشە مەدالمەن ماراپاتتالعان. ٷيلەنگەن, بەس بالاسى مەن بەس نەمەرەسٸ بار.
