Mańǵystaý oblysynyń ákimi bolyp Eraly Toǵjanov taǵaiyndaldy.
Mańǵystaý oblysynyń ákimi qyzmetin 2013 jyldan beri Alik Aidarbaev atqaryp kelgen bolatyn.
Búgin QR Premer-Ministri Baqytjan Saǵyntaev pen QR Prezident Ákimshiligi basshysynyń birinshi orynbasary Marat Tájin jumys saparymen Aqtaýǵa baryp, oblystyq máslihattyń kezekten tys sessiiasyna qatysty. Otyrys barysynda QR Premer-ministri Baqytjan Saǵyntaev Memleket basshysynyń máslihat depýtattaryna baǵyttalǵan Mańǵystaý oblysynyń ákimi qyzmetine Toǵjanov Eraly Luqpanulynyń kandidatýrasyn usyný týraly hatty oqydy. Depýtattar Prezident usynǵan kandidatýrany biraýyzdan qoldady.
Eraly Toǵjanov Qazaqstan halqy Assambleiasy Tóraǵasynyń orynbasary, Qazaqstan halqy Assambleiasy Hatshylyǵynyń meńgerýshisi. Saiasattaný ǵylymdarynyń doktory.
1963 jyly 13 mamyrda Batys Qazaqstan oblysynda dúniege keldi.
Joǵary bilimdi: E.A. Býketov atyndaǵy Qaraǵandy memlekettik ýniversitetinde (1983-1988 jj.), Quqyqtaný.
QR Ǵylym Akademiiasynyń Memleket jáne quqyq institýty (1991-1994jj.), zańger.
Keńes odaǵynyń ásker qatarynda qyzmet etti.
1991 jyldan 1998 jylǵa deiin E.A. Býketov atyndaǵy Qaraǵandy memlekettik ýniversitetiniń Memleket jáne quqyq teoriiasy men tarihy kafedrasynda oqytýshy.
1994-1996 jj. QR Ǵylym Akademiiasynyń Memleket jáne quqyq institýtynda ǵylymi qyzmetker.
1996 jyldan bastap Qazaq gýmanitarlyq zań ýniversitetiniń Memlekettik qyzmet jáne halyqaralyq quqyq fakýltetiniń aǵa oqytýshysy, dekan orynbasary qyzmetin atqardy.
1994 jyldan bastap atalǵan ýniversitettiń halyqaralyq quqyq fakýltetiniń dekany boldy.
1999 jyly filial dekany, 2001 jyly Astana qalasynyń Qazaq gýmanitarlyq zań ýniversitetiniń Quqyq jáne memlekettik qyzmet institýtynyń direktory bolyp taǵaiyndaldy.
2001-2006 jj. Qaraǵandy oblysy ákiminiń orynbasary.
2006-2008 jj. Qazaqstan Respýblikasy Ádilet ministrligi Din ister komitetiniń tóraǵasy bolyp jumys istedi.
2008 jyldyń qańtarynda Qazaqstan Respýblikasy Prezidenti Ókimimen Qazaqstan Respýblikasy Prezident Ákimshiliginiń Qazaqstan halqy Assambleiasy Hatshylyǵynyń meńgerýshisi bolyp taǵaiyndaldy.
Memlekettik marapattary jáne qurmetti ataqtary bar. 2 deńgeili «Dostyq» ordeni jáne «Eren eńbegi úshin» medalimen marapattalǵan.
