"Habar 24" arnasynyń kadry
Mańǵystaý oblysynyń 105 jastaǵy turǵyny Qanziia Saqaýova bir ǵasyrdan asa ýaqyt ómir súrýiniń syryn ashty, - dep habarlaidy Tengrinews.kz tilshisi "Habar 24"-ke silteme jasap.
Ol artyq nársege alańdamai, bos ýaqytyn jumysqa arnaýǵa tyrysady eken. Qanziia Saqaýova keide eski tigin mashinasymen jumys isteidi. Qartaiǵanyna qaramastan, ol barlyq nemere-shóberesiniń esimderin biledi ári olardy shatastyrmaidy.
Qanziia Saqaýova qańtarda 105 jasqa toldy. Qartaiǵanyna qaramastan, ol áiel adam árqashan syrtqy kelbetine qaraýy kerek dep sanaidy.
"Uzaq ómir súrýdiń syry - eńbekte jáne basqa adamdarǵa riza bolýda. Adamdardy kún saiyn kúlimsirep qarsy alýǵa tyrysamyn. Árine, syrtqy kelbetti qadaǵalaý kerek. Áiel 105 jasynda da ádemi bolýy kerek!" - deidi Qanziia Saqaýova.
Qanziia Saqaýovanyń kúieýi maidanda qaitys bolyp, ózi eki balasymen qalǵan. Jalǵyz ózi olardy jetkizip, kópke úlgi bola bilgen. Kolhozda da jumys istep, depýtat bolǵan.
Otbasylyq muraǵattaǵy kadrlarda 100 jasynda da Qanziia Saqaýova bos otyrmai, eski tigin mashinasymen jumys istep otyrǵany kórinedi.
Jaqynda ǵana densaýlyǵyna bailanysty Mańǵystaý aýdanynan Aqtaýǵa kóship kelgen. Biraq áldebir mańyzdy oqiǵa aldynda kópti kórgen qariiadan bata alǵysy keletinder áli de tolastamaidy eken.
