Mańǵystaý oblysyndaǵy Qalamqas ken ornynda órt shyqty, dep habarlaidy tótenshe jaǵdailar komitetiniń baspasóz qyzmeti.
Mańǵystaý oblysynyń tótenshe jaǵdailar departamentiniń dispetcherlik qyzmetine búgin tańerteń saǵat 07:10-de órt týraly habar túsipti.
"Órt 10 metr biiktik pen 900 sharshy metr aýmaqqa taralǵan. Zardap shekkender joq", - delingen habarlamada.
Tilsiz jaýmen kúresýge "Semser Órt Sóndirýshi" JShS men "Qarajanbas" JShS órtke qarsy qyzmeti jumyldyryldy. Órt sóndirýge barlyǵy 14 adam men 4 tehnika qatysqan.
Aita ketsek, buǵan deiin 13 naýryzda Qalamqas ken ornynda tótenshe jaǵdai bolyp, gaz-sýaralas qospa atqylaǵan bolatyn. Indýstriia jáne infraqurylymdyq damý ministrligi málimdemesinde aitylǵandai, oqiǵanyń mán-jaiy anyqtalyp jatyr.
