Mańǵystaý oblysynda 2025 jylǵa deiin 33 myń adam baspanaly bolady. Úkimet otyrysynda QR Ulttyq ekonomika ministri Áset Erǵaliev osyndai málimet aitty, dep habarlaidy QazAqparat.
«Turǵyn úi jáne injenerlik-kommýnikatsiialyq infraqurylymdy damytý salasynda «Jańaózen-Aqtaý» gaz qubyrynan magistraldyq gaz qubyry jáne «Beineý-Jańaózen» magistraldyq gaz qubyrynyń ekinshi tarmaǵy salynady. Sondai-aq, 118 shaqyrym elektr jelisi, 74,4 shaqyrym jylý jelisi jáne 508 shaqyrym gaz qubyry salynady jáne jańǵyrtylady. 4 mln sharshy metr turǵyn úi, onyń ishinde 220 myń sharshy metr jalǵa beriletin turǵyn úi salý boiynsha jumys jalǵasady, bul shamamen 33 myń adamdy turǵyn úimen qamtamasyz etýge múmkindik beredi», - dedi vedomstvo basshysy.
Sondai-aq, ol óńir turǵyndaryn aýyz sýmen qamtamasyz etý úshin jalpy qýaty táýligine 260 myń tekshe metr bolatyn 9 tushylandyrý zaýyty salynatynyn jetkizdi.
«Sondai-aq, 844 shaqyrym sýmen jabdyqtaý jáne 949 shaqyrym sý burý jelileri salynady jáne rekonstrýktsiialanady. 1059 shaqyrym avtojol salý, rekonstrýktsiialaý jáne jóndeý josparlanyp otyr. Bul joldardyń jaqsy jáne qanaǵattanarlyq jaǵdaidaǵy deńgeiin 100%-ǵa deiin jetkizýdi qamtamasyz etedi», - dedi ministr.
