ماڭعىستاۋ وبلىسىندا 2025 جىلعا دەيٸن 33 مىڭ ادام باسپانالى بولادى. ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ وسىنداي مەلٸمەت ايتتى, دەپ حابارلايدى قازاقپارات.
«تۇرعىن ٷي جەنە ينجەنەرلٸك-كوممۋنيكاتسييالىق ينفراقۇرىلىمدى دامىتۋ سالاسىندا «جاڭاٶزەن-اقتاۋ» گاز قۇبىرىنان ماگيسترالدىق گاز قۇبىرى جەنە «بەينەۋ-جاڭاٶزەن» ماگيسترالدىق گاز قۇبىرىنىڭ ەكٸنشٸ تارماعى سالىنادى. سونداي-اق, 118 شاقىرىم ەلەكتر جەلٸسٸ, 74,4 شاقىرىم جىلۋ جەلٸسٸ جەنە 508 شاقىرىم گاز قۇبىرى سالىنادى جەنە جاڭعىرتىلادى. 4 ملن شارشى مەتر تۇرعىن ٷي, ونىڭ ٸشٸندە 220 مىڭ شارشى مەتر جالعا بەرٸلەتٸن تۇرعىن ٷي سالۋ بويىنشا جۇمىس جالعاسادى, بۇل شامامەن 33 مىڭ ادامدى تۇرعىن ٷيمەن قامتاماسىز ەتۋگە مٷمكٸندٸك بەرەدٸ», - دەدٸ ۆەدومستۆو باسشىسى.
سونداي-اق, ول ٶڭٸر تۇرعىندارىن اۋىز سۋمەن قامتاماسىز ەتۋ ٷشٸن جالپى قۋاتى تەۋلٸگٸنە 260 مىڭ تەكشە مەتر بولاتىن 9 تۇششىلاندىرۋ زاۋىتى سالىناتىنىن جەتكٸزدٸ.
«سونداي-اق, 844 شاقىرىم سۋمەن جابدىقتاۋ جەنە 949 شاقىرىم سۋ بۇرۋ جەلٸلەرٸ سالىنادى جەنە رەكونسترۋكتسييالانادى. 1059 شاقىرىم اۆتوجول سالۋ, رەكونسترۋكتسييالاۋ جەنە جٶندەۋ جوسپارلانىپ وتىر. بۇل جولداردىڭ جاقسى جەنە قاناعاتتانارلىق جاعدايداعى دەڭگەيٸن 100%-عا دەيٸن جەتكٸزۋدٸ قامتاماسىز ەتەدٸ», - دەدٸ مينيستر.
