Mańǵystaý oblystyq politsiia departamenti aýa raiynyń kúrt nasharlaýyna bailanysty júrgizýshilerden jolǵa shyqpaýdy suraidy, dep habarlaidy QazAqparat.
Inspektorlar jol erejesin qatań saqtap, jyldamdyq rejimin asyrmaýdy suraidy. Aita keteiik, buǵan deiin Mańǵystaý oblystyq tótenshe jaǵdailar departamenti 13 sáýirde óńirde shańdy daýyl bolatynyn eskertken edi. Ońtústik-shyǵystan soqqan jeldiń ekpini 15-20 m/s-ke, kúndiz kei jerlerde 23 m/s-ke jetedi.
Qutqarýshylar qatty jel qaýpi kezinde balkondar men lodjiialardy tekserip qoiýǵa, barlyq jeńil jáne úlken zattardy bailap nemese bólmege kirgizýge keńes beredi.
Sonymen qatar jeńil kólikterdi aǵashtardyń astyna qoimaýdy, balalardy qaraýsyz qaldyrmaýdy suraidy.
Aita ketsek, buǵan deiin Mańǵystaý oblysynda aýa raiyna bailanysty eskertý jariialandy.
