Mańǵystaý oblysynyń trassasynda politsiia kóligi ózge mashinamen soqtyǵysyp, jyraǵa qulap ketti, dep habarlaidy "Ult aqparat" Lada.kz saityna silteme jasap.
Jol-kólik oqiǵasy 18 tamyz kúni shamamen saǵat 16:00-de «Aqtaý – Shetpe - Beineý» respýblikalyq mańyzy bar trassasynda boldy.
Politsiia departametiniń málimetinshe, jol apaty «Mercedes-Benz» júrgizýshisiniń kinásinen bolǵan. Ol qashyqtyqty saqtamai, «Hyundai Solaris» kóligimen soqtyǵysqan. Soqqy saldarynan «Hyundai Solaris» qarsy baǵyttaǵy jolaqqa shyǵyp ketip, oǵan politsiia kóligi soǵylǵan.
Oqiǵa patrýldik kóliktiń videotirkegishine jazylǵan. Zardap shekkender joq.
«Ereje buzǵan júrgizýshige qatysty QR Ákimshilik quqyq buzýshylyq týraly kodeksiniń 610-baby 1-bóligi boiynsha (Kólik quraldaryn, júkterdi, joldardy, joldaǵy jáne basqa da qurylysjailardyń nemese ózge de múliktiń búlinýine alyp kelgen, materialdyq zalal keltirgen kólik quraldary júrgizýshileriniń jol júrisi qaǵidalaryn buzýy) hattama toltyryldy», - dedi vedomstvodan.
Apatqa kináli adamǵa 20 ailyq eseptik kórsetkish mólsherinde aiyppul salý nemese alty aiǵa deiingi merzimge kólik quralyn basqarý quqyǵynan aiyrý jazasy belgilenýi múmkin.
