Foto: Polisia.kz
Mańǵystaýlyq politseiler jańa týǵan náresteni saýdalaý deregin anyqtady, - dep habarlaidy "Ult aqparat" Polisia.kz-ke silteme jasap.
"4 mamyrda saǵat 13:00 shamasynda Politsiia departamenti uiymdasqan qylmysqa qarsy kúres basqarmasynyń qyzmetkerleri oblys prokýratýrasynyń úilestirýimen jańa týǵan sábidi satyp, aqsha alǵan 35 jastaǵy kúdiktini ustady. Kúdiktiniń turǵylyqty jerin tintý barysynda zattai dáleldemeler tárkilendi.
Sondai-aq, politsiia qyzmetkerleri jańa týǵan náreste tapsyrylǵan 38 jastaǵy kúdiktini ustady.
Bala sot sheshimi shyqqanǵa deiin Aqtaý qalasynyń oblystyq mamandandyrylǵan balalar úiine ornalastyryldy" - delingen habarlamada.
Bul derek boiynsha Mańǵystaý oblysy Politsiia departamentinde QR Qylmystyq kodeksiniń 135-baby 2-bóligi boiynsha sotaldy tergeý bastalǵan.
Tergeý múddesi úshin ózge aqparat jariia etilmeidi.
