Mańǵystaý oblysynyń boks federatsiiasy Qazaqstannyń eńbek sińirgen úsh bapkeri koronavirýstan qaitys bolǵanyn málim etti, dep habarlaidy "Ult aqparat".
«Ókinishke qarai, koronavirýs sport qoǵamyn da ainalyp ótpedi. Mańǵystaý oblysynyń federatsiiasyndaǵy orny tolmas qaza týraly qaiǵyra habarlaimyz. Talantty ári saýatty bapkerler ómirden ótti – joǵary ulttyq sanattaǵy sýdia, bokstan KSRO-nyń sport sheberligine kandidat Berik Ermaǵanbetov, bokstan Qazaqstannyń eńbek sińirgen bapkeri, Jańaózen quramasynyń aǵa jattyqtyrýshysy Jeńis Jarylǵapov jáne Jańaózen boks mektebiniń aǵa jattyqtyrýshysy Aqylbek Temirov», - delingen Mańǵystaý oblystyq boks federatsiiasynyń aqparatynda.
Atap ótilgendei, atalǵan bapkerler óńirde bokstyń damýyna úlken úles qosty.
«B.Ermaǵanbetov kóptegen halyqaralyq týrnirlerdiń jeńimpazy bolǵan. J.Jarylǵapov eńbek jolynda Qazaqstan chempiondary men júldegerlerin tárbielep shyǵardy. A.Temirov bokstan jattyqtyrýshy bolyp 30 jyldan astam eńbek etti. Onyń izbasarlary - Qazaqstan chempiondary.
Mańǵystaý oblystyń boks federatsiiasy bapkerlerdiń týǵandary men jaqyndaryna, oqýshylaryna shyn júrekten kóńil aitady. Olar máńgi jadymyzda saqtalady», - dedi federatsiiadan.
