Mańǵystaý oblysy Aýyl sharýashylyǵy basqarmasy basshysynyń burynǵy orynbasary para alǵany úshin sottaldy, - dep habarlaidy Sybailas jemqorlyqqa qarsy is-qimyl agenttiginiń baspasóz qyzmeti.
"Biyl 30 mamyrda Aqtaý qalalyq sotynyń úkimimen Aýyl sharýashylyǵy basqarmasy basshysynyń burynǵy orynbasary Baqtybai Izimtaev kún panelderin jetkizýshilerden sýbsidiia berý kezinde jalpy qamqorlyǵy úshin para alý deregi boiynsha kináli dep tanylyp, oǵan 28 million teńge kóleminde aiyppul taǵaiyndaldy. Sonymen qatar, ol memlekettik organdarda qyzmet atqarý quqyǵynan ómir boiyna aiyryldy.
Sondai-aq, kún panelderin jetkizýshiler Shynbolat Qumar, Jaqsylyq Aralbaev para bergeni úshin sottalyp, árqaisysyna 2,6 million teńge kóleminde aiyppul salyndy", - delingen habarlamada.
Sonymen qatar, sot "Baisyrymov" JK iesin jalǵan qujattardy usyný arqyly sýbsidiia somasyn alǵan alaiaqtyq deregi boiynsha kináli dep tanyp, oǵan 3 jylǵa bas bostandyǵyn shekteý jazasyn taǵaiyndady.
