ماڭعىستاۋ وبلىسى اۋىل شارۋاشىلىعى باسقارماسى باسشىسىنىڭ بۇرىنعى ورىنباسارى پارا العانى ٷشٸن سوتتالدى, - دەپ حابارلايدى سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸ.
"بيىل 30 مامىردا اقتاۋ قالالىق سوتىنىڭ ٷكٸمٸمەن اۋىل شارۋاشىلىعى باسقارماسى باسشىسىنىڭ بۇرىنعى ورىنباسارى باقتىباي ٸزٸمتاەۆ كٷن پانەلدەرٸن جەتكٸزۋشٸلەردەن سۋبسيدييا بەرۋ كەزٸندە جالپى قامقورلىعى ٷشٸن پارا الۋ دەرەگٸ بويىنشا كٸنەلٸ دەپ تانىلىپ, وعان 28 ميلليون تەڭگە كٶلەمٸندە ايىپپۇل تاعايىندالدى. سونىمەن قاتار, ول مەملەكەتتٸك ورگانداردا قىزمەت اتقارۋ قۇقىعىنان ٶمٸر بويىنا ايىرىلدى.
سونداي-اق, كٷن پانەلدەرٸن جەتكٸزۋشٸلەر شىنبولات قۇمار, جاقسىلىق ارالباەۆ پارا بەرگەنٸ ٷشٸن سوتتالىپ, ەرقايسىسىنا 2,6 ميلليون تەڭگە كٶلەمٸندە ايىپپۇل سالىندى", - دەلٸنگەن حابارلامادا.
سونىمەن قاتار, سوت "بايسىرىموۆ" جك يەسٸن جالعان قۇجاتتاردى ۇسىنۋ ارقىلى سۋبسيدييا سوماسىن العان الاياقتىق دەرەگٸ بويىنشا كٸنەلٸ دەپ تانىپ, وعان 3 جىلعا باس بوستاندىعىن شەكتەۋ جازاسىن تاعايىندادى.
