Foto: "24KZ" arnasy
Mańǵystaý oblysynda 80 myń gektardan asatyn jer memleketke qaitaryldy, dep habarlaidy "24KZ" arnasy.
Prokýrorlardyń aitýynsha, olardyń arasynda oligopoliia sýbektilerine tiesili Kaspii teńizi boiyndaǵy «altyn ýchaskeler» bar. Memleket menshigine qaitarylǵan jyljymaityn múlik 9 milliard teńgege baǵalanady.
Budan bólek, aimaqta ruqsatsyz salynǵan ǵimarattardy súrý jalǵasyp jatyr. Byltyr sot arqyly zańsyz salynǵan 32 nysan buzylǵan. 35 qurylys mekemesi úleskerler aqshasyn tartyp alǵany úshin aiyppul tóleidi. Taǵy 5 qurylys kompaniiasy litsenziiasynan aiyryldy.
"Memleketke 115 jer ýchaskesi qaitaryldy. Iri kólemdegi jer ýchaskeleri budan 10 jyl buryn ielikke berilgen. Bul jer ýchaskeleri monitoring qorytyndysymen biz zańsyz berilgenin jáne kóp jyldar boiy igerilmei turǵanyn anyqtadyq. Nátijesinde, ýákiletti organǵa zańbuzýshylyqtardy joiý týraly usynymdy engizdik. Sottyń aktileri qazir kúshine endi. Jer ýchaskeleri tolyǵymen memleket menshigine qaitaryldy" - deidi oblystyq prokýratýranyń basqarma basshysy Mergen Meńdiǵaliev.
