فوتو: "24KZ" ارناسى
ماڭعىستاۋ وبلىسىندا 80 مىڭ گەكتاردان اساتىن جەر مەملەكەتكە قايتارىلدى, دەپ حابارلايدى "24KZ" ارناسى.
پروكۋرورلاردىڭ ايتۋىنشا, ولاردىڭ اراسىندا وليگوپولييا سۋبەكتٸلەرٸنە تيەسٸلٸ كاسپيي تەڭٸزٸ بويىنداعى «التىن ۋچاسكەلەر» بار. مەملەكەت مەنشٸگٸنە قايتارىلعان جىلجىمايتىن مٷلٸك 9 ميلليارد تەڭگەگە باعالانادى.
بۇدان بٶلەك, ايماقتا رۇقساتسىز سالىنعان عيماراتتاردى سٷرۋ جالعاسىپ جاتىر. بىلتىر سوت ارقىلى زاڭسىز سالىنعان 32 نىسان بۇزىلعان. 35 قۇرىلىس مەكەمەسٸ ٷلەسكەرلەر اقشاسىن تارتىپ العانى ٷشٸن ايىپپۇل تٶلەيدٸ. تاعى 5 قۇرىلىس كومپانيياسى ليتسەنزيياسىنان ايىرىلدى.
"مەملەكەتكە 115 جەر ۋچاسكەسٸ قايتارىلدى. ٸرٸ كٶلەمدەگٸ جەر ۋچاسكەلەرٸ بۇدان 10 جىل بۇرىن يەلٸككە بەرٸلگەن. بۇل جەر ۋچاسكەلەرٸ مونيتورينگ قورىتىندىسىمەن بٸز زاڭسىز بەرٸلگەنٸن جەنە كٶپ جىلدار بويى يگەرٸلمەي تۇرعانىن انىقتادىق. نەتيجەسٸندە, ۋەكٸلەتتٸ ورگانعا زاڭبۇزۋشىلىقتاردى جويۋ تۋرالى ۇسىنىمدى ەنگٸزدٸك. سوتتىڭ اكتٸلەرٸ قازٸر كٷشٸنە ەندٸ. جەر ۋچاسكەلەرٸ تولىعىمەن مەملەكەت مەنشٸگٸنە قايتارىلدى" - دەيدٸ وبلىستىق پروكۋراتۋرانىڭ باسقارما باسشىسى مەرگەن مەڭدٸعاليەۆ.
