QR Prezidentiniń Jarlyǵymen Nurlan Noǵaev Mańǵystaý oblysynyń ákimi bolyp taǵaiyndaldy, dep habarlaidy "Ult aqparat" Aqordaǵa silteme jasap.
«Nurlan Asqaruly Noǵaev Mańǵystaý oblysynyń ákimi bolyp taǵaiyndalsyn, ol Qazaqstan Respýblikasynyń Energetika ministri laýazymynan bosatylsyn», delingen qujatta.
Aimaqqa 3 jyldan beri Serikbai Turymov jetekshilik etip kelgen edi. 57 jastaǵy sheneýnik bul mindetke 2019 jyldyń 12 maýsymynda kirisken.
Nurlan Asqaruly Noǵaev 1967 jyly týǵan. Bilimi joǵary, I.Gýbkin atyndaǵy Máskeý memlekettik munai jáne gaz akademiiasyn, Qazaq memlekettik basqarý akademiiasyn, Resei Syrtqy ister ministrligi janyndaǵy «Halyqaralyq qatynastar ýniversiteti» Máskeý memlekettik institýtyn taý-ken injeneri, ekonomist, halyqaralyq qatynastar mamany, ákimshilik iskerlik jónindegi sheber mamandyqtary boiynsha bitirip shyqqan.
Eńbek jolyn Aqtóbe oblysy, Qandyaǵash stantsiiasynda elektr sheberi bolyp bastaǵan.
1993-1995 j.j. - Máskeý qalasyndaǵy «Gili- Pasker» JShS-de munai ónimderi jónindegi aǵa sarapshy, bólim bastyǵy, bas direktor.
1995-1996 j.j. - Almaty qalasyndaǵy «Otrar Ltd» shaǵyn kásiporny bas direktorynyń orynbasary.
1996-2006 j.j - «Qazaqtúrikmunai» JShS-da injener, bas direktor.
2006 jyldyń aqpan aiynan tamyz aiyna deiin - «QazMunaiGaz Ulttyq kompaniiasy» AQ-nyń atqarýshy direktory.
2006 jyldyń tamyz aiynan QR Energetika jáne mineraldy resýrstar ministrligi munai ónerkásibi departamentiniń direktory bolyp istegen.
2007 jyldyń qyrkúieginen 2010 jyldyń sáýir aiyna deiin – Batys Qazaqstan oblysy ákiminiń orynbasary.
2010 jyldyń sáýir aiynan 2012 jyldyń qańtaryna deiin- oblys ákiminiń birinshi orynbasary.
2012 jyldyń 20 qańtarynda Memleket basshysynyń Jarlyǵymen Batys Qazaqstan oblysynyń ákimi bolyp taǵaiyndaldy.
2016 jyldyń 26 naýryzynan Atyraý oblysynyń ákimi.
2019 jyldyń 18 jeltoqsanynan sońǵy taǵaiyndaýǵa sheiin QR Energetika ministri bolyp qyzmet istedi.
2010 jyly «Qurmet ordenimen marapattalǵan.
