قر پرەزيدەنتٸنٸڭ جارلىعىمەن نۇرلان نوعاەۆ ماڭعىستاۋ وبلىسىنىڭ ەكٸمٸ بولىپ تاعايىندالدى, دەپ حابارلايدى "ۇلت اقپارات" اقورداعا سٸلتەمە جاساپ.
«نۇرلان اسقارۇلى نوعاەۆ ماڭعىستاۋ وبلىسىنىڭ ەكٸمٸ بولىپ تاعايىندالسىن, ول قازاقستان رەسپۋبليكاسىنىڭ ەنەرگەتيكا مينيسترٸ لاۋازىمىنان بوساتىلسىن», دەلٸنگەن قۇجاتتا.
ايماققا 3 جىلدان بەرٸ سەرٸكباي تۇرىموۆ جەتەكشٸلٸك ەتٸپ كەلگەن ەدٸ. 57 جاستاعى شەنەۋنٸك بۇل مٸندەتكە 2019 جىلدىڭ 12 ماۋسىمىندا كٸرٸسكەن.
نۇرلان اسقارۇلى نوعاەۆ 1967 جىلى تۋعان. بٸلٸمٸ جوعارى, ي.گۋبكين اتىنداعى مەسكەۋ مەملەكەتتٸك مۇناي جەنە گاز اكادەميياسىن, قازاق مەملەكەتتٸك باسقارۋ اكادەميياسىن, رەسەي سىرتقى ٸستەر مينيسترلٸگٸ جانىنداعى «حالىقارالىق قاتىناستار ۋنيۆەرسيتەتٸ» مەسكەۋ مەملەكەتتٸك ينستيتۋتىن تاۋ-كەن ينجەنەرٸ, ەكونوميست, حالىقارالىق قاتىناستار مامانى, ەكٸمشٸلٸك ٸسكەرلٸك جٶنٸندەگٸ شەبەر ماماندىقتارى بويىنشا بٸتٸرٸپ شىققان.
ەڭبەك جولىن اقتٶبە وبلىسى, قاندىاعاش ستانتسيياسىندا ەلەكتر شەبەرٸ بولىپ باستاعان.
1993-1995 ج.ج. - مەسكەۋ قالاسىنداعى «گيلي- پاسكەر» جشس-دە مۇناي ٶنٸمدەرٸ جٶنٸندەگٸ اعا ساراپشى, بٶلٸم باستىعى, باس ديرەكتور.
1995-1996 ج.ج. - الماتى قالاسىنداعى «وترار لتد» شاعىن كەسٸپورنى باس ديرەكتورىنىڭ ورىنباسارى.
1996-2006 ج.ج - «قازاقتٷرٸكمۇناي» جشس-دا ينجەنەر, باس ديرەكتور.
2006 جىلدىڭ اقپان ايىنان تامىز ايىنا دەيٸن - «قازمۇنايگاز ۇلتتىق كومپانيياسى» اق-نىڭ اتقارۋشى ديرەكتورى.
2006 جىلدىڭ تامىز ايىنان قر ەنەرگەتيكا جەنە مينەرالدى رەسۋرستار مينيسترلٸگٸ مۇناي ٶنەركەسٸبٸ دەپارتامەنتٸنٸڭ ديرەكتورى بولىپ ٸستەگەن.
2007 جىلدىڭ قىركٷيەگٸنەن 2010 جىلدىڭ سەۋٸر ايىنا دەيٸن – باتىس قازاقستان وبلىسى ەكٸمٸنٸڭ ورىنباسارى.
2010 جىلدىڭ سەۋٸر ايىنان 2012 جىلدىڭ قاڭتارىنا دەيٸن- وبلىس ەكٸمٸنٸڭ بٸرٸنشٸ ورىنباسارى.
2012 جىلدىڭ 20 قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ ەكٸمٸ بولىپ تاعايىندالدى.
2016 جىلدىڭ 26 ناۋرىزىنان اتىراۋ وبلىسىنىڭ ەكٸمٸ.
2019 جىلدىڭ 18 جەلتوقسانىنان سوڭعى تاعايىنداۋعا شەيٸن قر ەنەرگەتيكا مينيسترٸ بولىپ قىزمەت ٸستەدٸ.
2010 جىلى «قۇرمەت وردەنٸمەن ماراپاتتالعان.
