Mańǵystaý oblysyna Iran Islam Respýblikasynan 53 qandasymyz keldi, dep habarlaidy QazAqparat.
«Iran Islam Respýblikasynyń Gorgan qalasynan 53 adam Qazaqstanǵa qonys aýdardy. Olar Aqtaý qalasynda 2-3 kún aialdap, qujattaryn retteidi. Qujattaryn retteý jumystary aiaqtalǵannan soń Nur-Sultan qalasyna attanady. Keiin kóshi-qon baǵdarlamasy arqyly Soltústik Qazaqstan óńirine qonystanady», - dedi Aqtaý qalasy ákiminiń orynbasary Ábilqaiyr Baipaqov qoǵamdyq kommýnikatsiia ortalyǵy.
Aita keteiik, óńirge kelgen 53 adamnyń 25-i bala, barlyǵy 20 otbasy atamekenge oraldy. Tarihi Otanyna kelgenderdiń biri Hadisha Adai. Atamekendi ańsap, egemen eline kelgen ol qýanyshyn jetkizip, jyly lebizimen bólisti.
«Men Túrkimenstanda týdym. Degenmen jumys baby boiynsha Bojnýrd qalasynda 22 jyl turdym. Týǵan ápkem, qyzym, týystarymmen birge atamekenge kelip jatyrmyz. Óte qýanyshtymyz. Barlyǵy da jat adamdar emes aǵaiyndar. Ystyq yqylaspen qabyldaǵandaryńyzǵa óte rizamyz», - dedi Hadisha Adai.
Bul kósh QR Syrtqy ister ministrligi, QR Irandaǵy Elshiligi men «Otandastar qory» KEAQ Mańǵystaý jáne Soltústik Qazaqstan oblysy ákimdiginiń qoldaýymen uiymdastyryldy.
