ماڭعىستاۋ وبلىسىنا يران يسلام رەسپۋبليكاسىنان 53 قانداسىمىز كەلدٸ, دەپ حابارلايدى قازاقپارات.
«يران يسلام رەسپۋبليكاسىنىڭ گورگان قالاسىنان 53 ادام قازاقستانعا قونىس اۋداردى. ولار اقتاۋ قالاسىندا 2-3 كٷن ايالداپ, قۇجاتتارىن رەتتەيدٸ. قۇجاتتارىن رەتتەۋ جۇمىستارى اياقتالعاننان سوڭ نۇر-سۇلتان قالاسىنا اتتانادى. كەيٸن كٶشٸ-قون باعدارلاماسى ارقىلى سولتٷستٸك قازاقستان ٶڭٸرٸنە قونىستانادى», - دەدٸ اقتاۋ قالاسى ەكٸمٸنٸڭ ورىنباسارى ەبٸلقايىر بايپاقوۆ قوعامدىق كوممۋنيكاتسييا ورتالىعى.
ايتا كەتەيٸك, ٶڭٸرگە كەلگەن 53 ادامنىڭ 25-ٸ بالا, بارلىعى 20 وتباسى اتامەكەنگە ورالدى. تاريحي وتانىنا كەلگەندەردٸڭ بٸرٸ حاديشا اداي. اتامەكەندٸ اڭساپ, ەگەمەن ەلٸنە كەلگەن ول قۋانىشىن جەتكٸزٸپ, جىلى لەبٸزٸمەن بٶلٸستٸ.
«مەن تٷركٸمەنستاندا تۋدىم. دەگەنمەن جۇمىس بابى بويىنشا بوجنۋرد قالاسىندا 22 جىل تۇردىم. تۋعان ەپكەم, قىزىم, تۋىستارىممەن بٸرگە اتامەكەنگە كەلٸپ جاتىرمىز. ٶتە قۋانىشتىمىز. بارلىعى دا جات ادامدار ەمەس اعايىندار. ىستىق ىقىلاسپەن قابىلداعاندارىڭىزعا ٶتە ريزامىز», - دەدٸ حاديشا اداي.
بۇل كٶش قر سىرتقى ٸستەر مينيسترلٸگٸ, قر يرانداعى ەلشٸلٸگٸ مەن «وتانداستار قورى» كەاق ماڭعىستاۋ جەنە سولتٷستٸك قازاقستان وبلىسى ەكٸمدٸگٸنٸڭ قولداۋىمەن ۇيىمداستىرىلدى.
