Buǵan deiin meditsinalyq kórsetkishter boiynsha ekpeni salý keiinge qaldyrylǵan Mańǵystaý oblysy ákiminiń orynbasary Gúlmira Qalmuratova búgin «Spýtnik V» vaktsinasyn aldy, dep habarlaidy «Ult aqparat».
«Eshqandai áser baiqalyp jatqan joq. Jaǵdaiym jaqsy. Qarasha aiynda tumaýǵa qarsy ekpeni de qabyldadym. Árine, birinshi vaktsinatsiia erikti túrde. Vaktsinatsiialaýdy halyqqa durys túsindirý maqsatynda kelip otyrmyn. Qazirgi ýaqytta dárigerler de saldyryp jatyr. Dárigerler, modýlnyi statsionardyń qyzmetkerleri qabyldap jatyr. Alǵash ret dárigerler tarapynan vaqtsinalaýǵa ruqsat berilmeýne bailanysty keiine qaldyrylǵan edi. Búgingi kúni bári sátimen ótti», - dedi Mańǵystaý oblysy ákiminiń orynbasary.
Aqtaý qalalyq №2 emhananyń epidemiolog-dárigeriniń aitýynsha ekpe salǵan adam 3 kún baqylaýda bolady. Birinshi komponentin alǵan soń 21 kún ótkende ekpeniń ekinshi komponentin alady. Sodan soń kovidke qarsy ekpeni tolyq alǵan bolyp esepteledi.
«Qazirgi tańda bizde kovidke qarsy ekpe eki júrgizip jatyrmyzBirinshi komponentin alyp, ekpe júrgizilgennen keiin ekpe alǵan jerde 30 minýt baqylaýda bolady. Túsindirme jumystary júrgiziledi. Iaǵni 3 kún ýaqyt aralyǵynda monshaǵa barýǵa, sýǵa túsýge, ekpe salǵan orynǵa sý tigizýge bolmaidy. Ratsiondy burynǵysha jalǵastyra berýge bolady. Buryn qabyldap júrgen prepparattar bolsa, ony da qabyldaýǵa bolady. Jańadan prepparat qabyldaýǵa, ratsionǵa buryn sońdy jep kórmegen tamaqtardy tutynýǵa keńes berilmeidi. 3 kún ýaqyt aralyǵynda spirttik sýsyndar men temeki shegýge, fizikalyq júkteme túsirýge bolmaidy. 3 kún aralyqta baqylaý júrgiziledi. Jeke ýchaskelik dáriger ekpe alǵan adamnyń jaǵdaiyn baqylaidy. Qazirgi ýaqytta vaktsina alyp jatqan adamdarda keri áserler baiqalyp jatqan joq», - dedi Aqtaý qalalyq №2 emhananyń epidemiolog-dárigeri Ardaq Ibrasheva.
