بۇعان دەيٸن مەديتسينالىق كٶرسەتكٸشتەر بويىنشا ەكپەنٸ سالۋ كەيٸنگە قالدىرىلعان ماڭعىستاۋ وبلىسى ەكٸمٸنٸڭ ورىنباسارى گٷلميرا قالمۇراتوۆا بٷگٸن «سپۋتنيك V» ۆاكتسيناسىن الدى, دەپ حابارلايدى «ۇلت اقپارات».
«ەشقانداي ەسەر بايقالىپ جاتقان جوق. جاعدايىم جاقسى. قاراشا ايىندا تۇماۋعا قارسى ەكپەنٸ دە قابىلدادىم. ەرينە, بٸرٸنشٸ ۆاكتسيناتسييا ەرٸكتٸ تٷردە. ۆاكتسيناتسييالاۋدى حالىققا دۇرىس تٷسٸندٸرۋ ماقساتىندا كەلٸپ وتىرمىن. قازٸرگٸ ۋاقىتتا دەرٸگەرلەر دە سالدىرىپ جاتىر. دەرٸگەرلەر, مودۋلنىي ستاتسيوناردىڭ قىزمەتكەرلەرٸ قابىلداپ جاتىر. العاش رەت دەرٸگەرلەر تاراپىنان ۆاقتسينالاۋعا رۇقسات بەرٸلمەۋنە بايلانىستى كەيٸنە قالدىرىلعان ەدٸ. بٷگٸنگٸ كٷنٸ بەرٸ سەتٸمەن ٶتتٸ», - دەدٸ ماڭعىستاۋ وبلىسى ەكٸمٸنٸڭ ورىنباسارى.
اقتاۋ قالالىق №2 ەمحانانىڭ ەپيدەميولوگ-دەرٸگەرٸنٸڭ ايتۋىنشا ەكپە سالعان ادام 3 كٷن باقىلاۋدا بولادى. بٸرٸنشٸ كومپونەنتٸن العان سوڭ 21 كٷن ٶتكەندە ەكپەنٸڭ ەكٸنشٸ كومپونەنتٸن الادى. سودان سوڭ كوۆيدكە قارسى ەكپەنٸ تولىق العان بولىپ ەسەپتەلەدٸ.
«قازٸرگٸ تاڭدا بٸزدە كوۆيدكە قارسى ەكپە ەكٸ جٷرگٸزٸپ جاتىرمىزبٸرٸنشٸ كومپونەنتٸن الىپ, ەكپە جٷرگٸزٸلگەننەن كەيٸن ەكپە العان جەردە 30 مينۋت باقىلاۋدا بولادى. تٷسٸندٸرمە جۇمىستارى جٷرگٸزٸلەدٸ. ياعني 3 كٷن ۋاقىت ارالىعىندا مونشاعا بارۋعا, سۋعا تٷسۋگە, ەكپە سالعان ورىنعا سۋ تيگٸزۋگە بولمايدى. راتسيوندى بۇرىنعىشا جالعاستىرا بەرۋگە بولادى. بۇرىن قابىلداپ جٷرگەن پرەپپاراتتار بولسا, ونى دا قابىلداۋعا بولادى. جاڭادان پرەپپارات قابىلداۋعا, راتسيونعا بۇرىن سوڭدى جەپ كٶرمەگەن تاماقتاردى تۇتىنۋعا كەڭەس بەرٸلمەيدٸ. 3 كٷن ۋاقىت ارالىعىندا سپيرتتٸك سۋسىندار مەن تەمەكٸ شەگۋگە, فيزيكالىق جٷكتەمە تٷسٸرۋگە بولمايدى. 3 كٷن ارالىقتا باقىلاۋ جٷرگٸزٸلەدٸ. جەكە ۋچاسكەلٸك دەرٸگەر ەكپە العان ادامنىڭ جاعدايىن باقىلايدى. قازٸرگٸ ۋاقىتتا ۆاكتسينا الىپ جاتقان ادامداردا كەرٸ ەسەرلەر بايقالىپ جاتقان جوق», - دەدٸ اقتاۋ قالالىق №2 ەمحانانىڭ ەپيدەميولوگ-دەرٸگەرٸ ارداق يبراشەۆا.
