22 adamnyń ómirin qiǵan Manchesterdegi jarylys jaýapkershiligin DAISh terroristik uiymy (Qazaqstanda tyiym salynǵan) moinyna aldy, dep habarlaidy Rosbalt.
TASS agenttiginiń habarlaýynsha, lańkesterdiń sáikes videosy áleýmettik jelilerde jariialanǵan. «Manchester Arena» stadionynda ánshi Ariana Grandeniń kontsertinen keiin jarylys bolyp, oqiǵa saldarynan 22 adam opat bolyp, 59 adam túrli deńgeidegi jaraqattar aldy.
Reuters agenttiginiń málimetinshe, kórermender arasynda balalar men jetkinshekter kóp bolǵan. Oqiǵa kýá bolýshylardyń aitýynsha, jarylys kontsert aiaqtalǵannan keiin kórermen oryndarynan turǵan kezde jasalǵan.
Politsiia qyzmetkerleri jarylysty jankeshti jasaǵan dep boljap otyr. Alańda iske qosylǵan jarylǵysh qurylǵy stadionnyń kire beris bóligin kúl talqan etken, dep habarlaidy news.com.au.
Aldyn ala taratylǵan aqparatqa sáikes, 22 mamyr kúni Ulybritaniiadaǵy Manchester stadionynda bolǵan jarylys saldarynan opat bolyp, zardap shekkender qatarynda qazaqstandyqtar joq.
