Jarylys bolǵan aýmaqta júrgen dárigerler men qutqarýshylar. Manchester, 22 mamyr 2017 jyl.
Britan politsiiasynyń habarlaýynsha, Manchester qalasynda bolǵan jarylystan qaza tapqandar sany 22 adamǵa, jaralanǵandar sany 59 adamǵa jetti. Qurbandar arasynda balalar da bar. Politsiia 22 mamyr kúni keshke Manchester Arena ǵimaratynyń syrtynda bolǵan jarylysty "terakt" dep baǵalap otyr.
Politsiia 22 adamnyń jarylys kezinde qaza tapqanyn, jarylysty bir adam jasaǵan bolýy múmkin ekenin aitady. "Ázirge biz ótken túni bolǵan shabýyldy bir adam jasady dep bilemiz. Shabýyl jasaǵan adamnyń oqiǵa ornynda qaza tapqany anyq. Biz jankeshtide qoldan jasalǵan jarylǵysh qurpylǵy bolǵan dáne ol ony jarǵan dep oilaimyz" dedi Manchester politsiiasynyń ókili Ian Hopkins.
Ol qazir qaýipsizdik kúshteri úshin jankeshtiniń jalǵyz ózi áreket etkenin, ia serikteri bolǵanyn anyqtaý mańyzdy ekenin aitty.
Buǵan deiin politsiia Manchesterdegi jarylysta 19 adam qaza tapqanyn habarlaǵan.
