«Manas» eposy nemis tilinde jaryq kórdi. Bul týraly «Kabar» agenttigi Germaniianyń Qyzǵyzstandaǵy elshiligine silteme jasap jazdy, dep habarlaidy QazAqparat.
«Qyrǵyz-nemis diplomatiialyq qarym-qatynasynyń 30 jyldyǵy aiasynda biz erekshe dúnie oilap taptyq: «Manas» eposy nemis tilinde jáne komiks túrindegi sýrettermen bezendirile otyryp shyǵaryldy! Qazir ǵana boiaýy keýip úlgermegen alǵashqy basylymdy qolymyzǵa aldyq!» - delingen habarlamada.
«Manas» - tek qyrǵyz halqynyń ǵana emes, kúlli túrki elderdiń tarihy men salt-dástúrinen, rýhani áleminen mol maǵlumat beretin entsiklopediia tektes mura. Manas batyrdyń dúniege kelgeninen bastap, búkil úrim-butaǵymen jalǵasqan batyrlyq, erlik dástúr qosa jyrlanatyn epos. Onda qazaq halqynyń tarihyna qatysty oqiǵalar da keńinen qamtylǵan, qazaq jyrlarymen saryndas tustary da jeterlik.
