Bas sanitar dáriger Aijan Esmaǵambetova mamyrdyń sońyna deiin elde 5,3 myń adamǵa virýs juǵady dep boljaidy. Bir apta buryn bas sanitar 4 myń adamǵa virýs juǵýy múmkin dep aitqan edi.
"Qazaqstan boiynsha sáýir aiynyń sońyna deiin shamamen - 3400 adamǵa, mamyrdyń sońyna deiin 5300 adamǵa virýs juǵady dep oilaimyz. Boljamdy sál ózgerttik" dedi Aijan Esmaǵambetova sársenbi kúngi brifing kezinde.
Onyń aitýynsha, bul ósim shekaralyq aimaqtan kelgen adamdar arasynda koronavirýs juqtyrǵandardyń artýymen (eki aptada 200-den astam naýqastyń anyqtalýy) bailanysty.
Degenmen Esmaǵambetovanyń aitýynsha, sońǵy aptada jalpy elde koronavirýs juqtyrǵandar 8 paiyzdan 5,5 paiyzǵa azaiǵan.
"Sońǵy aptada elde koronavirýs juqtyrǵandar 2,5 paiyzǵa azaidy. Alaida jekelegen aimaqtar aýyryp jatyr, iaǵni olarda aýyrǵandar sany - 0 men 40 paiyz aralyǵynda. Bul degenińiz aýrý kórsetkishiniń bir deńgeide turmaǵanyn kórsetedi" dedi Esmaǵambetova.
Buǵan deiin Densaýlyq saqtaý ministrligi "elde epidemiia sharyqtaý shegine jetti" dep málimdegen.
Sońǵy málimet boiynsha, Qazaqstanda 3078 adamǵa virýs juqty. 774 adam dertten aiyqqan. 25 adam qaitys bolǵan.
