باس سانيتار دەرٸگەر ايجان ەسماعامبەتوۆا مامىردىڭ سوڭىنا دەيٸن ەلدە 5,3 مىڭ ادامعا ۆيرۋس جۇعادى دەپ بولجايدى. بٸر اپتا بۇرىن باس سانيتار 4 مىڭ ادامعا ۆيرۋس جۇعۋى مٷمكٸن دەپ ايتقان ەدٸ.
"قازاقستان بويىنشا سەۋٸر ايىنىڭ سوڭىنا دەيٸن شامامەن - 3400 ادامعا, مامىردىڭ سوڭىنا دەيٸن 5300 ادامعا ۆيرۋس جۇعادى دەپ ويلايمىز. بولجامدى سەل ٶزگەرتتٸك" دەدٸ ايجان ەسماعامبەتوۆا سەرسەنبٸ كٷنگٸ بريفينگ كەزٸندە.
ونىڭ ايتۋىنشا, بۇل ٶسٸم شەكارالىق ايماقتان كەلگەن ادامدار اراسىندا كوروناۆيرۋس جۇقتىرعانداردىڭ ارتۋىمەن (ەكٸ اپتادا 200-دەن استام ناۋقاستىڭ انىقتالۋى) بايلانىستى.
دەگەنمەن ەسماعامبەتوۆانىڭ ايتۋىنشا, سوڭعى اپتادا جالپى ەلدە كوروناۆيرۋس جۇقتىرعاندار 8 پايىزدان 5,5 پايىزعا ازايعان.
"سوڭعى اپتادا ەلدە كوروناۆيرۋس جۇقتىرعاندار 2,5 پايىزعا ازايدى. الايدا جەكەلەگەن ايماقتار اۋىرىپ جاتىر, ياعني ولاردا اۋىرعاندار سانى - 0 مەن 40 پايىز ارالىعىندا. بۇل دەگەنٸڭٸز اۋرۋ كٶرسەتكٸشٸنٸڭ بٸر دەڭگەيدە تۇرماعانىن كٶرسەتەدٸ" دەدٸ ەسماعامبەتوۆا.
بۇعان دەيٸن دەنساۋلىق ساقتاۋ مينيسترلٸگٸ "ەلدە ەپيدەمييا شارىقتاۋ شەگٸنە جەتتٸ" دەپ مەلٸمدەگەن.
سوڭعى مەلٸمەت بويىنشا, قازاقستاندا 3078 ادامعا ۆيرۋس جۇقتى. 774 ادام دەرتتەن ايىققان. 25 ادام قايتىس بولعان.
