Memleket basshysy Qasym-Jomart Toqaev Mindetti áleýmettik meditsinalyq saqtandyrý qorynyń basshylyǵyna laiyqty adamdy qoiý máselesine qatysty aitty, dep habarlaidy «Ult aqparat».
«Keiingi kezde Mindetti áleýmettik meditsinalyq saqtandyrý qorynyń ainalasynda ártúrli áńgime órship ketti. Menińshe onyń basshylyǵyna iskerirek ári jaýaptyraq adamdy qoiý kerek. Ol qordyń ainalasynda eshqandai sybys pen áńgime shyqpaýy tiis. Ainalyp kelip osyndai áńgimeniń shyǵýyna ózimiz sebepker bolyp otyrmyz. Úkimet tarapynan qordyń jumysyna taldaý júrgizilip, ol qanshalyqty tiimdi ári sátti degen suraq zerttelýi tiis», - dedi Qasym-Jomart Toqaev Úkimettiń keńeitilgen otyrysynda.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen búgingi otyrysynda MÁMS qory men «SQ Farmatsiia» basshylaryn jumystan shyǵarýdy tapsyrǵan bolatyn.
«Týyndaǵan qiyndyqqa kinálilerdiń bárine qatysty tergeý júrgizý kerek. Jaýapkershilikke tartqan durys. MÁMS qory men «SQ Farmatsiia» basshylary jumystan shyǵarylsyn. Kerek bolsa tergeý júrgizgen jón», - dedi Qasym-Jomart Toqaev.
