QR Premer-Ministri Asqar Maminniń tóraǵalyǵymen QR Parlamenti Májilisiniń tóraǵasy Nurlan Nyǵmatýlinniń qatysýymen Jańǵyrtý jónindegi ulttyq komissiia otyrysy ótti, dep habarlaidy primeminister.kz.
«QR Tuńǵysh Prezidenti – Elbasy Nursultan Nazarbaevtyń bes institýtsionaldyq reformasyn iske asyrý jónindegi 100 naqty qadam» Ult josparynyń jáne Memleket basshysy Qasym-Jomart Toqaevtyń Qazaqstan halqyna arnaǵan Joldaýynyń oryndalý barysy qaraldy.
Atqarylyp jatqan jumystar týraly ulttyq ekonomika ministri Áset Erǵaliev, indýstriia jáne infraqurylymdyq damý ministri Beibit Atamqulov, ekologiia, geologiia jáne tabiǵi resýrstar ministri Serikqali Brekeshev, energetika ministri Maǵzum Myrzaǵaliev, tsifrlyq damý, innovatsiialar jáne aeroǵarysh ónerkásibi ministri Baǵdat Mýsin, densaýlyq saqtaý ministri Aleksei Tsoi, bilim jáne ǵylym ministri Ashat Aimaǵambetov, Strategiialyq josparlaý jáne reformalar agenttiginiń tóraǵasy – AHQO basqarýshysy Qairat Kelimbetov jáne t. b. baiandady.
Qazirgi ýaqytta Ult josparynyń 100 qadamynyń 72-si iske asyryldy: «Kásibi memlekettik apparatty qalyptastyrý» baǵyty boiynsha 15 qadamnyń 13-i, «Zań ústemdigin qamtamasyz etý» baǵyty boiynsha barlyq 19 qadam, «Indýstriialandyrý jáne ekonomikalyq ósim» boiynsha 50 qadamnyń 27-si, «Biregeilik jáne birlik» baǵyty boiynsha 6 qadamnyń 3-ýi, «Esep beretin memleketti qalyptastyrý» baǵyty boiynsha barlyǵy 10 qadam júzege asyryldy.
Biyl «Kásibi memlekettik apparatty qalyptastyrý» men «Indýstriialandyrý jáne ekonomikalyq ósim» baǵyttary boiynsha 9 qadamdy oryndaý josparlanǵan.
Otyrysta qurylys salasyndaǵy jobalarǵa memlekettik saraptamany básekeli ortaǵa berý, qatty paidaly qazbalar men kómirsýtek shikizaty qorlary boiynsha eseptilik standarttarynyń halyqaralyq júiesin engizý, Tehnologiialyq damý ortalyqtaryn qurý, EYDU standarttaryna sáikes monopoliiaǵa qarsy organnyń qyzmetin odan ári jetildirý, AHQO jáne QR-daǵy kapital naryqtaryn damytý máseleleri qaraldy.
Barlyq tirek jáne seriktes aýyldyq eldi mekenderdi feldsherlik-akýsherlik pýnkttermen jáne dáriger ambýlatoriialarymen qamtamasyz etýge, stýdentter jataqhanalaryn salýǵa, memlekettik organdar men kvazimemlekettik sektordyń derekter bazasynyń integratsiialanǵan júiesin qurýǵa qatysty jumys barysy talqylandy.
Kásipkerlik qyzmet salasynda jańa retteýshilik saiasatty engizý máselelerine erekshe nazar aýdaryldy. Tiisti zań jobasyn Úkimet ázirlep, Parlament Májilisiniń qaraýyna jiberdi.
Kásipkerlik qyzmetti retteýdegi jańa tásilderdi iske asyrý bizneske júktemeni túbegeili túrde azaitýǵa jáne jańa ekonomikalyq shynaiylyq jaǵdaiynda iskerlik belsendilikti damytýǵa serpin berýge jol ashady.
Premer-Ministr «QR Tuńǵysh Prezidenti – Elbasy Nursultan Nazarbaevtyń bes institýtsionaldyq reformasyn iske asyrý jónindegi 100 naqty qadam» Ult josparyn jáne Memleket basshysy Qasym-Jomart Toqaevtyń Qazaqstan halqyna Joldaýyn tolyq jáne sapaly oryndaý boiynsha belsendi jumysty jalǵastyrýdy tapsyrdy.
