Premer-Ministr Asqar Mamin Úkimet otyrysynda mektep meditsinasyn damytyp, balalar statsionary men emhanalardyń materialdyq-tehnikalyq bazasyn jetildirýdi tapsyrdy, dep habarlaidy QazAqparat.
«Beinebaqylaý júieleri men olardyń Politsiianyń jedel basqarý ortalyqtarymen integratsiialanýyna, «dabyl túimesiniń» bolýyna jáne jedel den qoiýǵa erekshe nazar aýdarý kerek. Barlyq is-sharalar oqý jyly bastalǵanǵa deiin aiaqtalýy tiis Bul másele Úkimet otyrysynda qarastyrylatyn bolady», - dedi Ukimet basshysy.
Sondai-aq, ol Densaýlyq saqtaý ministrligine, ákimdikterge aýrýlardyń aldyn alý jáne erte diagnostikalaý, ońaltý, aýrýdy bala jastan baqylaý boiynsha sharalar qabyldaýdy tapsyrdy.
«Mektep meditsinasyn, erte damytý men skrining kabinetteriniń, balalar úileriniń, balalar statsionary men emhanalardyń materialdyq-tehnikalyq bazasyn damytý qajet. Eń aldymen ákimdikterge sportpen ainalysatyn balalardyń sanyn arttyrý boiynsha sharalar qabyldaýdy jáne tiisti qarjylandyrýdy qamtamasyz etýdi tapsyramyn.
Óńirlerdiń ákimderine balalardyń qaýipsizdigi, demalysy men densaýlyǵy máselelerin erekshe baqylaýǵa alý qajet», - dedi Asqar Mamin.
