Vaktsinalaý pasportyn Ashyq qosymshasyna engizý kerek. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Búgingi kúni vaktsinanyń birinshi komponenti 2,1 mln astam adamǵa, ekinshi komponent 1 mln astam adamǵa egildi. Maýsym aiynda vaktsina qoryn 2 mln birinshi jáne 2 mln ekinshi komponentpen tolyqtyrý boiynsha sharalar qabyldanyp jatyr», - dedi Asqar Mamin.
Osy rette Úkimet basshysy Densaýlyq saqtaý ministrligi men ákimdikter maýsymda vaktsinalaý qarqynyn eleýli túrde arttyrýy kerektigin basa aitty.
«Densaýlyq saqtaý ministrligi Tsifrlandyrý ministrligimen birlesip, Ashyq mobildi qosymshasynyń tiimdi jumys isteýi, qosymshany qyzmet kórsetý salalarynda keńinen qoldaný boiynsha sharalar qabyldaýy qajet. Vaktsinalaý pasportyn Ashyq qosymshasyna da engizý kerek», - degen Úkimet basshysy bul jumystardy baqylaýdy orynbasary Eraly Toǵjanovqa júktedi.
