QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda tutynýshylardyń quqyqtaryn qorǵaý máseleleri qaraldy.
Atalǵan baǵytta atqarylyp jatqan jumystar týraly QR saýda jáne integratsiia ministri B. Sultanov, «Atameken» UKP tóraǵasy A. Myrzahmetov baiandady, Joǵarǵy sottyń sýdiasy A. Túkiev pen Tutynýshylardyń quqyqtaryn qorǵaý koalitsiiasynyń tóraǵasy M. Ábenov túsinikteme berdi, dep habarlaidy primeminister.kz saity.
2020 jyldyń 8 aiynda Saýda jáne integratsiia ministrliginiń Tutynýshylardyń quqyqtaryn qorǵaý komitetine qyzmetter men taýarlardyń sapasyna qatysty shaǵymdarmen 8 myńnan astam ótinish kelip tústi, olar boiynsha tutynýshylardyń 80%-nyń quqyqtary qorǵaldy (6 400 ótinish). Biylǵy maýsymda úkimettik emes uiymdar men biznesti tarta otyryp, tutynýshylardyń quqyqtaryn qorǵaýdyń birtutas júiesin qurýǵa yqpal etetin zańnamalyq túzetýler qabyldandy.
Premer-Ministr tutynýshylardyń quqyqtaryn qorǵaýdyń qazaqstandyq júiesi «tutynýshy – qoǵamdyq birlestik – memleket» ózara is-qimyl jasaý bailanysy naqty qurylǵan sheteldik ozyq tájiribeni eskerýi tiis ekenin atap ótti. Bul rette azyq-túlik salasyna, meditsinalyq qyzmetterge, TKSh, farmatsevtikalyq taýarlarǵa, sondai-aq týrizmge erekshe nazar aýdarý qajet.
«Sapasyna kepildik berýge bolatyn ónimderdi óndirýge, baqylaý maqsatyndaǵy satyp alý mehanizimin paidalanýǵa, adal jarnama men marketingke baǵyttalǵan saiasat júrgizý qajet», — dedi A. Mamin.
Úkimet basshysy osy jyldyń sońyna deiin tutynýshylardyń quqyqtaryn qorǵaý salasynda qoǵamdyq uiymdar birlestigin qurýdy, sondai-aq úkimettik emes uiymdar bazasynda tutynýshylardyń quqyqtaryn qorǵaý jónindegi ombýdsmen institýtyn engizý máselesin pysyqtaýdy tapsyrdy.
Ulttyq ekonomika, saýda jáne ádilet ministrlikterine normativtik-quqyqtyq aktiler jobalarynyń tutynýshylardyń quqyqtaryn qorǵaý turǵysynan retteýshilik áserine taldaý júrgizý boiynsha mindetti talapty qarastyrý tapsyryldy. Buǵan qosa, osy aktilerdi ázirleýge qoǵamdyq keńesterdiń quramynda úkimettik emes uiymdardyń qatysýyn qamtamasyz etý kerek.
Saýda ministrligine Ulttyq ekonomika ministrligimen birlesip, memlekettik organdardyń, jergilikti atqarýshy organdar men kvazimemlekettik uiymdardyń tiimdilik kórsetkishterine (KPI) tutynýshylar tarapynan qanaǵattaný jáne senim deńgeiin baǵalaýdy qosý tapsyryldy.
«Atameken» UKP-ǵa Erikti iskerlik tájiribe erejeleriniń jiyntyǵyn jáne tutynýshylardyń múddeleri men quqyqtaryn eskeretin úlgilik sharttardy qabyldaý, sondai-aq usynylatyn qyzmetter men taýarlardyń sapasyn jaqsartý úshin biznesti yntalandyrý sharalaryn pysyqtaý tapsyryldy.
Premer-Ministr 2020 jylǵy 1 qarashaǵa deiin Tutynýshylardyń quqyqtaryn qorǵaýdyń birtutas júiesin qurý jónindegi is-sharalar josparyn ázirleýdi tapsyrdy.
