Qazaqstan Respýblikasynyń Prezidenti Qasym-Jomart Toqaevtyń Jarlyǵyna sáikes, QR Premer-Ministri Asqar Mamin Táýelsizdiktiń 30 jyldyǵyna orai eńbek ardagerlerine, ministrlikter men vedomstvolardyń, ulttyq kompaniialardyń qyzmetkerlerine, sondai-aq iskerlik orta ókilderine Qazaqstannyń áleýmettik-ekonomikalyq damýyna qosqan úlesi úshin memlekettik nagradalardy tabystady, dep habarlaidy "Ult aqparat" Úkimet basshysynyń resmi saityna silteme jasap.
«Táýelsizdiktiń 30 jyldyǵy – Qazaqstan tarihyndaǵy aitýly kún. Táýelsizdik – memlekettiliktiń berik negizi, erkindiktiń, turaqtylyqtyń jáne ultaralyq kelisimniń simvoly. Bizdiń táýelsizdigimiz árbir qazaqstandyqtyń óz eli men jeriniń igiligi úshin atqarǵan qajyrly eńbegimen, árqaisymyzdyń damyǵan jáne qýatty memlekette ómir súrýge degen umtylysymyzdyń arqasynda nyǵaia túsedi», — dedi A. Mamin saltanatty jiynda sóilegen sózinde.
Úkimet basshysy QR Tuńǵysh Prezidenti – Elbasy Nursultan Nazarbaevtyń basshylyǵymen Táýelsizdiktiń 30 jyly ishinde Qazaqstanda mańyzdy saiasi jáne áleýmettik-ekonomikalyq reformalar tabysty júrgizilgenin atap ótti.
Memleket basshysy Qasym-Jomart Toqaev ekonomikany damytýǵa, halyqtyń ál-aýqaty men turmys sapasyn arttyrýǵa, eldegi beibitshilik pen qoǵamdyq kelisimdi saqtaýǵa baǵyttalǵan strategiialyq baǵytty tabysty júzege asyryp keledi.
I dárejeli «Barys» ordenimen eńbek ardageri Nyǵmatjan Esenǵarin, III dárejeli «Barys» ordenimen Qazaqstan Qarjygerleri qaýymdastyǵy keńesiniń tóraǵasy Elena Bahmýtova marapattaldy.
«Parasat» ordenimen densaýlyq saqtaý vitse-ministri Jandos Búrkitbaev, saýda jáne integratsiia vitse-ministri Janel Kúshikova, tótenshe jaǵdailar vitse-ministri Mereke Pishembaev, Indýstriia jáne infraqurylymdyq damý ministrliginiń Qurylys isi jáne turǵyn úi-kommýnaldyq sharýashylyǵy komitetiniń tóraǵasy Timýr Qaraǵoishin, «QazMunaiGaz» UK» AQ basqarma tóraǵasynyń orynbasary Daniiar Tiesov, «Qazatomónerkásip» UAK» AQ basqarmasynyń eks-tóraǵasy Ǵalymjan Pirmatov, Qazaqstan avtobiznes qaýymdastyǵynyń prezidenti Andrei Lavrentev, «Qazaqtelekom» AQ basqarma tóraǵasynyń keńesshisi Sailaýhan Raiymbekov marapattaldy.
II dárejeli «Dostyq» ordeni «Sine Midas Stroi» JShS bas direktory Ahmet Býdanǵa, «Kazpi.KZ» AQ basqarma tóraǵasy Mihail Lomtadzege, «Prommashkomplekt» JShS damytý jónindegi direktory Sergei Pavlingerge, «Todini Tsentral Aziia» JShS direktory Fabio Almanoǵa, «Alsim Alarko Sanaii Tesisleri ve Tidjaret» AQ vitse-prezidenti Abbas Shahinǵa berildi.
«Qurmet» ordenimen Eýraziialyq ekonomikalyq komissiianyń Básekelestik jáne monopoliiaǵa qarsy retteý jónindegi alqa múshesi Arman Shaqqaliev, energetika birinshi vitse-ministri Murat Jórebekov, densaýlyq saqtaý birinshi vitse-ministri Marat Shoranov, energetika vitse-ministri Jumabai Qaraǵaev, densaýlyq saqtaý vitse-ministri Ajar Ǵiniiat, aqparat jáne qoǵamdyq damý vitse-ministri Kemelbek Oishybaev, eńbek jáne halyqty áleýmettik qorǵaý vitse-ministri Erbol Ospanov, syrtqy ister ministriniń orynbasarlary Almas Aidarov pen Erlan Álimbaev, qorǵanys ministriniń orynbasary Daryn Tuiaqov, ulttyq ekonomika vitse-ministri Azamat Amrin, ádilet vitse-ministri Azamat Ámirǵaliev, «QazTrade» saýda saiasatyn damytý ortalyǵy» AQ bas direktory Azamat Asqaruly, Qarjy ministrliginiń Memlekettik múlik jáne jekeshelendirý komitetiniń tóraǵasy Baqytbek Táshenev, Saýda jáne integratsiia ministrliginiń Tutynýshylardyń quqyǵyn qorǵaý komitetiniń tóraǵasy Asqar Tynysbekov, Aqparat jáne qoǵamdyq damý ministrliginiń Etnosaralyq qatynastardy damytý komitetiniń tóraǵasy Ǵalym Shoikin, Tsifrlyq damý, innovatsiialar jáne aeroǵarysh ónerkásibi ministrliginiń Aeroǵarysh komitetiniń tóraǵasy Baýbek Oralmaǵambetov, Aýyl sharýashylyǵy ministrliginiń Jer resýrstaryn basqarý komiteti tóraǵasynyń orynbasary Gúljahan Bimendina jáne Premer-Ministr Keńsesiniń birqatar qyzmetkeri marapattaldy.
«Eren eńbegi úshin» medalimen bilim jáne ǵylym birinshi vitse-ministri Sholpan Karinova, energetika vitse-ministri Janat Jahmetova, tsifrlyq damý, innovatsiialar jáne aeroǵarysh ónerkásibi vitse-ministri Málik Oljabekov, «Damý» kásipkerlikti damytý qory» AQ basqarma tóraǵasy Gaýhar Bóribaeva, Syrtqy ister ministrliginiń Investitsiialar komitetiniń tóraǵasy Ardaq Zebeshev, Aqparat jáne qoǵamdyq damý ministrliginiń Azamattyq qoǵam isi komitetiniń tóraǵasy Madiiar Qojahmet, Bilim jáne ǵylym ministrliginiń Bilim jáne ǵylym salasyndaǵy sapany qamtamasyz etý komitetiniń tóraǵasy Gúlzat Kóbenova jáne ministrlikter men vedomstvolardyń, sondai-aq Premer-Ministr Keńsesiniń basqa da qyzmetkerleri marapattaldy.
QR Qurmet gramotasymen Tsifrlyq damý, innovatsiialar jáne aeroǵarysh ónerkásibi ministrliginiń Telekommýnikatsiialar komiteti tóraǵasynyń orynbasary Zúlfiia Qudaibergenova jáne Premer-Ministr Keńsesiniń birqatar qyzmetkeri marapattaldy.
