QR Premer-Ministri Asqar Mamin Qazaqstanda jumys saparymen júrgen Singapýr Respýblikasynyń Aǵa Ministri jáne Ulttyq qaýipsizdik jónindegi úilestirýshi ministri Teo Chi Hinmen kezdesý ótkizdi. Bul týraly QR Úkimetiniń baspasóz qyzmeti habarlady.
Taraptar investitsiialyq jáne saýda-ekonomikalyq yntymaqtastyqty damytý máselelerin, onyń ishinde biylǵy 1 qazanda Erevan qalasynda Eýraziialyq ekonomikalyq odaq pen Singapýr arasynda qol qoiylǵan erkin saýda týraly kelisim ratifikatsiialanǵannan keiingi EAEO – Singapýr formatyndaǵy eki eldiń ózara is-qimylynyń perspektivalaryn talqylady.
«Tuńǵysh Prezident Nursultan Nazarbaev Singapýrmen yntymaqtastyqqa únemi zor kóńil bóldi jáne Premer-Ministr Li Kýan Iýmen jeke dos boldy, osynyń arqasynda eki eldiń arasyndaǵy qarym-qatynastar oidaǵydai damyp jatyr. Memleket basshysy Qasym-Jomart Toqaev ta syrtqy saiasattaǵy sabaqtastyqty ustana otyryp, Singapýrmen yntymaqtastyqty tiimdi damytýǵa kóp kóńil bólip keledi», — dedi A. Mamin.
Qazaqstan Singapýrdyń Ortalyq Aziiadaǵy asa iri saýda-ekonomikalyq seriktesi, ekijaqty saýda ainalymy 2018 jyldyń qorytyndysy boiynsha $520 mln-nan asty. Biylǵy maýsym aiyndaǵy jaǵdai boiynsha Singapýrdan Qazaqstan ekonomikasyna túsken tikelei sheteldik investitsiialar kólemi úsh esege jýyq – $28,5 mln-nan $80,7 mln-ǵa deiin artty.
Úkimet basshysy singapýrlyq tarapty «Astana» halyqaralyq qarjy ortalyǵyna óziniń qatysýyn belsendi arttyrýǵa, eki eldiń iskerlik ortalarynyń arasynda tyǵyz bailanystar ornatýǵa, Qazaqstannyń kólik jáne turǵyn úi infraqurylymyn jańǵyrtý boiynsha investitsiialyq jobalarǵa qatysýǵa shaqyrdy.
Premer-Ministr tikelei sheteldik investitsiialar men saýda kóleminiń ósýin qamtamasyz etý Qazaqstan Úkimeti jumysynyń basym baǵyttarynyń biri ekenin atap ótti.
Úkimet basshysy Singapýr ókilderin aldaǵy ýaqytta, 2020 jyly maýsym aiynda Nur-Sultan qalasynda ótetin Dúniejúzilik saýda uiymynyń XII Ministrler konferentsiiasyna qatysýǵa shaqyrdy.
