قر پرەمەر-مينيسترٸ اسقار مامين قازاقستاندا جۇمىس ساپارىمەن جٷرگەن سينگاپۋر رەسپۋبليكاسىنىڭ اعا مينيسترٸ جەنە ۇلتتىق قاۋٸپسٸزدٸك جٶنٸندەگٸ ٷيلەستٸرۋشٸ مينيسترٸ تەو چي حينمەن كەزدەسۋ ٶتكٸزدٸ. بۇل تۋرالى قر ٷكٸمەتٸنٸڭ باسپاسٶز قىزمەتٸ حابارلادى.
تاراپتار ينۆەستيتسييالىق جەنە ساۋدا-ەكونوميكالىق ىنتىماقتاستىقتى دامىتۋ مەسەلەلەرٸن, ونىڭ ٸشٸندە بيىلعى 1 قازاندا ەرەۆان قالاسىندا ەۋرازييالىق ەكونوميكالىق وداق پەن سينگاپۋر اراسىندا قول قويىلعان ەركٸن ساۋدا تۋرالى كەلٸسٸم راتيفيكاتسييالانعاننان كەيٸنگٸ ەاەو – سينگاپۋر فورماتىنداعى ەكٸ ەلدٸڭ ٶزارا ٸس-قيمىلىنىڭ پەرسپەكتيۆالارىن تالقىلادى.
«تۇڭعىش پرەزيدەنت نۇرسۇلتان نازارباەۆ سينگاپۋرمەن ىنتىماقتاستىققا ٷنەمٸ زور كٶڭٸل بٶلدٸ جەنە پرەمەر-مينيستر لي كۋان يۋمەن جەكە دوس بولدى, وسىنىڭ ارقاسىندا ەكٸ ەلدٸڭ اراسىنداعى قارىم-قاتىناستار ويداعىداي دامىپ جاتىر. مەملەكەت باسشىسى قاسىم-جومارت توقاەۆ تا سىرتقى ساياساتتاعى ساباقتاستىقتى ۇستانا وتىرىپ, سينگاپۋرمەن ىنتىماقتاستىقتى تيٸمدٸ دامىتۋعا كٶپ كٶڭٸل بٶلٸپ كەلەدٸ», — دەدٸ ا. مامين.
قازاقستان سينگاپۋردىڭ ورتالىق ازيياداعى اسا ٸرٸ ساۋدا-ەكونوميكالىق سەرٸكتەسٸ, ەكٸجاقتى ساۋدا اينالىمى 2018 جىلدىڭ قورىتىندىسى بويىنشا $520 ملن-نان استى. بيىلعى ماۋسىم ايىنداعى جاعداي بويىنشا سينگاپۋردان قازاقستان ەكونوميكاسىنا تٷسكەن تٸكەلەي شەتەلدٸك ينۆەستيتسييالار كٶلەمٸ ٷش ەسەگە جۋىق – $28,5 ملن-نان $80,7 ملن-عا دەيٸن ارتتى.
ٷكٸمەت باسشىسى سينگاپۋرلىق تاراپتى «استانا» حالىقارالىق قارجى ورتالىعىنا ٶزٸنٸڭ قاتىسۋىن بەلسەندٸ ارتتىرۋعا, ەكٸ ەلدٸڭ ٸسكەرلٸك ورتالارىنىڭ اراسىندا تىعىز بايلانىستار ورناتۋعا, قازاقستاننىڭ كٶلٸك جەنە تۇرعىن ٷي ينفراقۇرىلىمىن جاڭعىرتۋ بويىنشا ينۆەستيتسييالىق جوبالارعا قاتىسۋعا شاقىردى.
پرەمەر-مينيستر تٸكەلەي شەتەلدٸك ينۆەستيتسييالار مەن ساۋدا كٶلەمٸنٸڭ ٶسۋٸن قامتاماسىز ەتۋ قازاقستان ٷكٸمەتٸ جۇمىسىنىڭ باسىم باعىتتارىنىڭ بٸرٸ ەكەنٸن اتاپ ٶتتٸ.
ٷكٸمەت باسشىسى سينگاپۋر ٶكٸلدەرٸن الداعى ۋاقىتتا, 2020 جىلى ماۋسىم ايىندا نۇر-سۇلتان قالاسىندا ٶتەتٸن دٷنيەجٷزٸلٸك ساۋدا ۇيىمىنىڭ XII مينيسترلەر كونفەرەنتسيياسىنا قاتىسۋعا شاقىردى.
