Búgin Ońtústik Qazaqstanǵa jasaǵan jumys sapary barysynda QR Premer-Ministriniń birinshi orynbasary Asqar Mamin Shymkent qalasyndaǵy «Nurly jer» baǵdarlamasy aiasynda salynyp jatqan kópqabatty turǵyn úilerdiń qurylys jumysymen tanysty, dep habarlaidy "Ult aqparat" aimaq basshysynyń baspasóz qyzmetine silteme jasap.
Óńirde atalǵan baǵdarlama aiasynda qurylysy júrgizilip jatqan jumystardyń barysyn baiandaǵan oblys ákiminiń birinshi orynbasary Darhan Satybaldy kredittik turǵyn úi satyp alýǵa múmkindigi joq 35 myń otbasyny arendalyq baspanamen qamtý úshin oblys kóleminde 1 million 700 myń sharshy metrden astam turǵyn úi qoryn qurý qajettigin atap ótti.
Aita keteiik, jalpy oblysta «Nurly jer» baǵdarlamasy aiasynda kópqabatty 364 turǵyn úi salynýda. Onyń ishinde ipotekalyq nesielendirýdiń qoljetimdiligin arttyrý maqsatynda 96 turǵyn úi, al jeke qurylys salýshylar esebinen 107 turǵyn úidiń qurylysy júrgizilse, turǵyn úi qurylys jinaqtar júiesi arqyly 73 nesielik turǵyn úi salynýda. Budan bólek, jalǵa beriletin turǵyn úi qory arqyly 88 jeke turǵyn úidiń qurylysy qolǵa alynatyn bolady.
Al, ótken jyly 128,3 myń sharshy metr turǵyn úi paidalanýǵa berilip, 2113 otbasy jeke turǵyn úimen qamtamasyz etildi. Aǵymdaǵy jyldyń basynan bastap turǵyn úi qurylysyna 41,1 mlrd teńge kóleminde investitsiia jumsalsa, qazirgi ýaqytta 461,5 myń sharshy metr paidalanýǵa berildi.
Jalpy «Nurly jer» baǵdarlamasy aiasynda salynatyn turǵyn úi qurylysyna 21,8 mlrd teńge kóleminde memlekettik investitsiia bólý josparlansa, jyl sońyna deiin 61,1 myń sharshy metr bolatyn 1126 páterdi quraityn turǵyn úi paidalanýǵa beriledi.
