QR Premer-Ministri Asqar Mamin Semei qalasyna jáne Shyǵys Qazaqstan oblysynyń Abai aýdanyna jumys sapary aiasynda memlekettik baǵdarlamalardyń iske asyrylý barysyn jáne Abaidyń 175 jyldyǵyn atap ótýge daiyndyqty tekserdi.
Bul týraly "Ult aqparat" QR Premer-Ministriniń resmi saityna silteme jasap habarlaidy.
Semei qalasynda Úkimet basshysyna qalanyń 2020-2025 jyldarǵa arnalǵan áleýmettik-ekonomikalyq damýynyń keshendi josparynyń, «Jumyspen qamtýdyń jol kartasy – 2020» jáne «Nurly jer» baǵdarlamalarynyń oryndalýy týraly baiandaldy. Atap aitqanda, A. Mamin Abai atyndaǵy alańdy, mýzei men teatrdy rekonstrýktsiialaý jumystarymen, sondai-aq «Qaraǵaily» shaǵyn aýdany men kópbeiindi mádeni-sport kesheniniń qurylysymen tanysty.
«Semei táýelsiz Qazaqstannyń mádeni, rýhani murasy men tarihynda airyqsha oryn alady. El basshylyǵy qalanyń áleýmettik-ekonomikalyq damýyna jáne turǵyndardyń ómir súrý sapasyn arttyrýǵa erekshe kóńil bóledi», — dep A. Mamin, qalany damytý boiynsha barlyq josparlanǵan jobalardy ýaqytyly iske asyrýdy qamtamasyz etýdi tapsyrdy.
A. Mamin Abai aýdanynyń ákimshilik ortalyǵy Qaraýyl aýylynda áleýmettik jáne injenerlik infraqurylymynyń damýyn tekserdi. Munda Úkimet basshysyna 300 orynǵa arnap salynyp jatqan orta mektep qurylysy, Abai atyndaǵy saiabaqty salý, sondai-aq eldi mekenniń sý tartý jelilerin rekonstrýktsiialaý týraly baiandaldy.
Premer-Ministr Abaidyń «Jidebai-Bórili» memlekettik tarihi-mádeni jáne ádebi-memorialdyq qoryq mýzeiine baryp, onda «Abai-Shákárim» memorialdyq keshenin restavratsiialaý jumystarynyń barysymen tanysyp, Abaidyń mýzei úiin aralady.
Úkimet basshysy Abaidyń 175 jyldyǵyna orai josparlanǵan Semeidegi jáne Abai aýdanyndaǵy tarihi-mádeni nysandardy jóndeý jáne jańǵyrtý jumystaryn ýaqytyly ári sapaly aiaqtaýdy tapsyrdy.
«Mereitoi memlekettik deńgeide atalyp ótedi. Bul shara - Qazaqstan halqy úshin úlken ideologiialyq jáne tarihi mánge ie», — dedi A. Mamin.
