قر پرەمەر-مينيسترٸ اسقار مامين سەمەي قالاسىنا جەنە شىعىس قازاقستان وبلىسىنىڭ اباي اۋدانىنا جۇمىس ساپارى اياسىندا مەملەكەتتٸك باعدارلامالاردىڭ ٸسكە اسىرىلۋ بارىسىن جەنە ابايدىڭ 175 جىلدىعىن اتاپ ٶتۋگە دايىندىقتى تەكسەردٸ.
بۇل تۋرالى "ۇلت اقپارات" قر پرەمەر-مينيسترٸنٸڭ رەسمي سايتىنا سٸلتەمە جاساپ حابارلايدى.
سەمەي قالاسىندا ٷكٸمەت باسشىسىنا قالانىڭ 2020-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارىنىڭ, «جۇمىسپەن قامتۋدىڭ جول كارتاسى – 2020» جەنە «نۇرلى جەر» باعدارلامالارىنىڭ ورىندالۋى تۋرالى باياندالدى. اتاپ ايتقاندا, ا. مامين اباي اتىنداعى الاڭدى, مۋزەي مەن تەاتردى رەكونسترۋكتسييالاۋ جۇمىستارىمەن, سونداي-اق «قاراعايلى» شاعىن اۋدانى مەن كٶپبەيٸندٸ مەدەني-سپورت كەشەنٸنٸڭ قۇرىلىسىمەن تانىستى.
«سەمەي تەۋەلسٸز قازاقستاننىڭ مەدەني, رۋحاني مۇراسى مەن تاريحىندا ايرىقشا ورىن الادى. ەل باسشىلىعى قالانىڭ ەلەۋمەتتٸك-ەكونوميكالىق دامۋىنا جەنە تۇرعىنداردىڭ ٶمٸر سٷرۋ ساپاسىن ارتتىرۋعا ەرەكشە كٶڭٸل بٶلەدٸ», — دەپ ا. مامين, قالانى دامىتۋ بويىنشا بارلىق جوسپارلانعان جوبالاردى ۋاقىتىلى ٸسكە اسىرۋدى قامتاماسىز ەتۋدٸ تاپسىردى.
ا. مامين اباي اۋدانىنىڭ ەكٸمشٸلٸك ورتالىعى قاراۋىل اۋىلىندا ەلەۋمەتتٸك جەنە ينجەنەرلٸك ينفراقۇرىلىمىنىڭ دامۋىن تەكسەردٸ. مۇندا ٷكٸمەت باسشىسىنا 300 ورىنعا ارناپ سالىنىپ جاتقان ورتا مەكتەپ قۇرىلىسى, اباي اتىنداعى ساياباقتى سالۋ, سونداي-اق ەلدٸ مەكەننٸڭ سۋ تارتۋ جەلٸلەرٸن رەكونسترۋكتسييالاۋ تۋرالى باياندالدى.
پرەمەر-مينيستر ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق مۋزەيٸنە بارىپ, وندا «اباي-شەكەرٸم» مەموريالدىق كەشەنٸن رەستاۆراتسييالاۋ جۇمىستارىنىڭ بارىسىمەن تانىسىپ, ابايدىڭ مۋزەي ٷيٸن ارالادى.
ٷكٸمەت باسشىسى ابايدىڭ 175 جىلدىعىنا وراي جوسپارلانعان سەمەيدەگٸ جەنە اباي اۋدانىنداعى تاريحي-مەدەني نىسانداردى جٶندەۋ جەنە جاڭعىرتۋ جۇمىستارىن ۋاقىتىلى ەرٸ ساپالى اياقتاۋدى تاپسىردى.
«مەرەيتوي مەملەكەتتٸك دەڭگەيدە اتالىپ ٶتەدٸ. بۇل شارا - قازاقستان حالقى ٷشٸن ٷلكەن يدەولوگييالىق جەنە تاريحي مەنگە يە», — دەدٸ ا. مامين.
