Qazaqstan Respýblikasynyń Premer-Ministri Asqar Mamin Resei Federatsiiasy Úkimetiniń Tóraǵasy Mihail Mishýstinmen telefon arqyly sóilesti, dep jazady primeminister.kz.
Taraptar Qazaqstan Respýblikasynyń Prezidenti Qasym-Jomart Toqaev pen Resei Federatsiiasynyń Prezidenti Vladimir Pýtin arasyndaǵy COVID-19 taralýyna jol bermeý jónindegi birlesken sharalar týraly ýaǵdalastyqtardyń praktikalyq iske asyrylýyn talqylady.
Úkimet basshylary búgin Qaraǵandy qalasynda iske qosylǵan «Spýtnik V» vaktsinasynyń óndirisi jáne qazaqstandyqtardy aldaǵy vaktsinatsiialaý QR-daǵy turaqty sanitarlyq-epidemiologiialyq jaǵdaidy saqtaýǵa úlken úles qosatynyn atap ótti.
Áńgimelesý kezinde sondai-aq saýda-ekonomikalyq jáne kólik salalaryndaǵy ekijaqty yntymaqtastyqtyń, ónerkásiptik kooperatsiiany damytý jáne EAEO aiasyndaǵy ózara is-qimyldyń ózekti máseleleri qaraldy.
