QR Premer-Ministri Asqar Mamin Máskeý qalasyna jumys sapary aiasynda Reseidiń ortalyq memlekettik organdarynyń, memlekettik korporatsiialary men qarjy-bank qurylymdarynyń basshylyǵymen kezdesýler ótkizdi, dep habarlaidy "Ult aqparat" primeminister.kz-ke silteme jasap.
RF ónerkásip jáne saýda ministri D. Mantýrovpen ótken kezdesýde óńdeý ónerkásibindegi (mashina jasaý, metall óńdeý, himiia ónerkásibi jáne t. b.) birlesken jobalardy iske asyrýdyń jai-kúii men keleshegi, sondai-aq ekijaqty formatta jáne EAEO aiasynda saýdany keńeitý máselesi talqylandy.
Sberbankke baryp, basqarma tóraǵasy G. Grefpen kezdesý kezinde QR Úkimetiniń basshysy jasandy zerde, jiyntyqty esepteýler men robot tehnikasy salasyndaǵy, onyń ishinde densaýlyq saqtaý, bilim berý, logistika, korporativtik jáne memlekettik basqarý salalarynda qoldanylatyn ozyq jobalarmen tanysty.
Taraptar atalǵan salalardaǵy, sondai-aq bilim berýdi tsifrlandyrýdaǵy jáne «Astana» halyqaralyq qarjy ortalyǵynyń platformasynda AT-mamandardy birlesip daiarlaýdaǵy yntymaqtastyqtyń perspektivalaryn qarastyrdy.
VEB.RF memlekettik damý korporatsiiasynyń tóraǵasy I. Shývalovpen ótken kezdesýde EAEO keńistiginde birlesken investitsiialyq jobalardy iske asyrý, ekonomikany tehnologiialyq jańǵyrtý jáne tsifrlandyrý, shikizattyq emes sektordaǵy saýdany keńeitý jáne t. b. máseleler talqylandy.
«Rosgeologiia» basqarma tóraǵasy S. Gorkovpen, «Rosatom» memlekettik korporatsiiasynyń bas direktory A. Lihachevpen, «Roskosmos» bas direktory D. Rogozinmen ótken kezdesýlerde eki eldiń geologiia, energetika jáne ǵarysh salalaryndaǵy yntymaqtastyǵynyń ózekti máseleleri talqylandy.
Saparǵa QR Premer-Ministriniń birinshi orynbasary Á. Smaiylov, Strategiialyq josparlaý jáne reformalar jónindegi agenttiktiń tóraǵasy – AHQO basqarýshysy Q. Kelimbetov, QR tsifrlyq damý, innovatsiialar jáne aeroǵarysh ónerkásibi ministri B. Mýsin, QR-nyń RF-tegi Tótenshe jáne Ókiletti Elshisi E. Kósherbaev jáne t. b. qatysty.
