QR Premer-Ministri Asqar Mamin Tsifrlandyrýdy engizý máseleleri jónindegi QR Prezidenti janyndaǵy komissiia otyrysyn ótkizdi. «Smart Bridge» jobasyn júzege asyrý, jergilikti atqarýshy organdar men jer qatynastaryn tsifrlandyrý barysy qaraldy, dep habarlaidy "Ult aqparat" silteme primeminister.kz jasap.
Barlyq atalǵan baǵyttar boiynsha atqarylyp jatqan jumystar týraly tsifrlyq damý, innovatsiialar jáne aeroǵarysh ónerkásibi ministri A. Jumaǵaliev, «aqyldy qala» tujyrymdamasyn iske asyrý máseleleri týraly Nur-Sultan qalasynyń ákimi A. Kólginov, jer qatynastaryn tsifrlandyrý týraly aýyl sharýashylyǵy ministri S. Omarov jáne «Azamattarǵa arnalǵan úkimet» memlekettik korporatsiiasynyń tóraiymy Á. Baltasheva baiandady.
Memlekettik jáne jeke sektorlardyń aqparattyq júieleri úshin biryńǵai integratsiialanǵan platforma qurý boiynsha «Smart Bridge» jobasy osy jyldyń qańtar aiynda iske asyryla bastady.
Qazirgi ýaqytta 175 zańdy tulǵa (35 memlekettik organ, 12 ekinshi deńgeili bank, 15 ulttyq kompaniia, 113 jeke sektor ókili) avtorizatsiialandy, 336 servis jariialandy, qosylýǵa 290 ótinim jiberildi.
«Smart Bridge»-de kózdelgen memlekettik organdardyń aqparattyq júieleriniń 166 integratsiiasynyń 27-si iske asyryldy, biylǵy shilde aiyna deiin 63-in, osy jyldyń sońyna deiin 76-syn júzege asyrý josparlanǵan. Búginde memlekettik qyzmetterdiń 80%-dan astamy avtomattandyryldy, biylǵy jyldyń sońyna deiin bul kórsetkishti 90%-ǵa deiin jetkizý kózdelgen.
Óńirlerde tsifrlandyrýdyń birkelkiligin qamtamasyz etý úshin tirshilik áreketiniń 11 salasyn qamtityn QR «aqyldy» qalalarynyń etalondyq standarty jandandyryldy. Jańa tujyrymdama boiynsha barlyq qyzmetter men memlekettik qyzmetter «elektrondyq úkimet» portalynyń bir terezesine kóshirilýi tiis.
Jer qory jáne jyljymaityn múlik nysandary týraly ulttyq derekter bazasyn qurý aiasynda «Biryńǵai memlekettik jyljymaityn múlik kadastry» aqparattyq júiesin qurý boiynsha jumystar júrgizilýde.
Onymen qosa, jer ýchaskelerin usyný rásimderin ońtailandyrý jáne jeńildetý boiynsha zań jobasy ázirlenýde, onda Jer kodeksi, Azamattyq kodeks pen birqatar zańdarǵa túzetýler engizý qarastyrylǵan. Tsifrlyq tehnologiialar negizindegi jańa tásilder jer qatynastary salasyndaǵy memlekettik qyzmetterdi elektrondy formatqa aýystyryp, olardyń sanyn 15-ten 7-ge deiin qysqartýǵa, jer ýchaskelerine quqyq berýdiń naqty merzimin 1 jyldan 20 kúnge deiin azaitýǵa, memlekettik akti men jer qurylysy jobasyn, sondai-aq jer komissiiasyn alyp tastaýǵa múmkindik beredi.
Premer-Ministr turǵyndar men biznes úshin barlyq memlekettik qyzmetter men servisterdi onlain formatqa kóshirý máselesin pysyqtap, bul jumystardy biyl úshinshi toqsanda aiaqtaýdy, sondai-aq ortalyq jáne jergilikti deńgeilerde kiriktirý jumystaryn ýaqytyly ári tiimdi iske asyrýdy tapsyrdy.
«Azamattyń densaýlyq pasporty, eńbek birjasy, qoǵamdyq kóliktegi tólem júiesi tárizdi qoldanystaǵy elektrondy platformalar men esepteýishtermen qamtamasyz etý óńirlerde jappai paidalanylýy tiis», - dep A. Mamin, óńirlerdiń ákimdikterine Nur-Sultan jáne Aqkól qalalarynyń tájiribesiniń negizinde etalondy standartty sapaly engizý boiynsha qajetti sharalardy qabyldaýdy tapsyrdy.
Úkimet basshysy aýyl sharýashylyǵy, tsifrlyq damý ministrlikteri men ákimdikterge úshinshi toqsannyń sońyna deiin jer zańnamasyna qajetti túzetýler jobasyn pysyqtap, Úkimettiń qaraýyna engizý týraly tapsyrma berdi.
«Barlyǵy jurtshylyqty tartýmen ortalyq jáne jergilikti deńgeilerde jan-jaqty pysyqtalýy tiis», - dedi A. Mamin.
Memleket basshysynyń elektrondy úkimet tujyrymdamasyn qaita qaraý jáne «Tsifrlyq Qazaqstan» memlekettik baǵdarlamasyn ózektilendirý týraly tapsyrmasyn oryndaý aiasynda Tsifrlyq damý, innovatsiialar jáne aeroǵarysh ónerkásibi ministrligine eki apta merzim ishinde Úkimetke memlekettik organdarmen jáne ákimdiktermen kelisilgen tásilderdi engizý týraly tapsyrma júkteldi.
